share this article

وزير النقل هشام عرفات بيقول إن في طريق جديد بيتعمل للربط بين القاهرة وكيب تاون، عاصمة جنوب أفريقيا بهدف تنمية القارة الأفريقية وتسهيل السفر. وقال كمان إنهم بيشتغلوا على مشروع تنضيف النهر من كل المخلفات والرواسب الزيتية اللي بتعوق النقل النهري، وده لأن في مشروع تاني بيربط بين (إسكندرية- فيكتوريا) بهدف إن مصر تبقى  بوابة النقل النهري لوسط القارة، عن طريق نهر النيل.
بس كل مشروع فيهم له مشاكل بتعطل انجازه، يعني مثلًا المشروع بتاع (إسكندرية-فيكتوريا) مشكلته إنه محتاج أعمال هندسية كبيرة علشان في برك كتير في السودان. مشروع (القاهرة – كيب تاون) مشكلته إن في تنظيمات إرهابية  طول الطريق وده مش هيخليه أمان زي تنظيم داعش في ليببا، و جماعة بوكو حرام في نيجيريا، و القاعدة في الجزائر.
الموضوع بتاع الربط بين مصر وجنوب أفريقيا ده مش جديد، كانوا عايزين يعملوه من سنة 1890 أيام الإحتلال البريطاني في مصر، والإنجليز كانوا متحمسين جدًا للفكرة بس حصل نزاع بين بريطانيا وفرنسا في منطقة فشودة( كودوك) في جنوب السودان والمشروع وقف.
الطريق البري اللي بيتعمل حاليًا  بين القاهرة وكيب تاون طوله 10300كم، وبيبدأ من إسكندرية، بعدين القاهرة للسودان وجنوب السودان وإثيوبيا وتنزانيا وكينيا وزامبيا و أخيرًا بقى نوصل  لجنوب إفريقيا.

المصدر: EgyptToday