share this article

الواي فاي المفروض يبقى من حقوق الإنسان زيه زي الأكل والشرب بالظبط، ودي حاجة هتحسها وإنت عندك ترانزيت قرن في مطار مش بتعمل حاجة غير بتتفرج على طيارات رايحة جاية. لحسن الحظ العصور الوسطى اللي مكانش فيها واي فاي في المطارات عدت خلاص، دلوقتي مطارات كتير فيها واي فاي ببلاش تقضي بيه وقتك، وعندك دولة زي دبي عندها أسرع واي فاي مجاني في العالم في مطار دبي.


المهندس والمدون Anil Polat عمل خدمة عظيمة لأي حد بيسافر كتير، جمع باسورد واي فاي أكتر من 300 مطار حولين العالم في خريطة تفاعلية، كل شوية بيتضاف لها مطارات جديدة، وبيتعدل عليها أي معلومات تتغير في المطارات الموجودة عليها، وإنت كمان ممكن تضيف للخريطة أي باسورد ل WiFi مطار مش موجود فيها، وتساعد غيرك.

الخريطة كمان متاحة كأبلكيشن تقدر تحمله من Google play أو App store.

الخريطة