share this article

 مؤسسة دريم جوبينج ووزارة السياحة في تايلاند طالبين (رحالة) يلف تايلاند ويشوفها بعيون جديدة ، ويزور كل الأماكن اللي مش معروفة، ويعيش التجربة كأنه واحد من أهل البلد، وبعدين يبدأ يحكي عن رحلته ومغامراته لتصوير فيلم وثائقي في شهر يناير2019، وهيتذاع بعديها في التليفزيون في نفس السنة.

وفي المقابل هم هيتحملوا كل مصاريفك من الطيران والإقامة هناك والأكل والشرب وكل حاجة!

ازاى ممكن تقدم؟

-الموضوع مش صعب خالص، إنت محتاج تصور نفسك فيديو من دقيقة واحدة وتحكلهم فيه إنت ليه متحمس تشتغل شغلانة زى دي؟

-بعدين ترفع الفيديو على الويبسايت بتاعهم، هتلاقي بنت حلوة عاملة فيديو دقيقة بتتكلم ليه هى عايزة تشارك في ده، هيبقى مفيد ليك إنك تشوف طريقة تنظيم الفيديو وازاى تقنعهم بنفسك، بعدين هتلاقي زرار أخضر في نفس الصفحة مكتوب عليه Apply now هتدوس عليه وتعمل بروفايل ليك على الويب سايت بعدين تحط الفيديو بتاعك.

مصدر الخبر: Theinsider