share this article

عشان التأشيرة دايما بتكون بعبع الناس اللي بتسافر، ورق ومقابلات ومواعيد ومشواير ويا تتقبل يا تترفض، حكومة مالاوي قررت تسهل إجراءات التأشيرة لدخول البلد من أول نوفمبر، وخلتها أون لاين، بدل تقديم الورق في السفارة أو لما توصل البلد.

هتقدر بالطريقة دي تقدم على طلب التأشيرة من خلال تقديم كل الأوراق والصور المطلوبة أون لاين، وبعدين تدفع تمن التأشيرة من خلال الفيزا أو الماستر كارد.

تكلفة تأشيرة الدخول مرة واحدة لمدة 90 يوم من السفر 75 دولار لمعظم الجنسيات، أما تأشيرة الدخول المتعدد لمدة 6 شهور 150 دولار، ولو لـ12 شهر 250 دولار، وهيترد عليك بعدها من خلال ميل في ظرف 3 أيام، ولو اتقبلت تقدر تطبعها وتظهرها للمسؤولين في المطار أول ما توصل مالاوي.

المصدر: Lonely planet