share this article

فاكرين لما روسيا استضافت كاس العالم في 2018؟ تقريباً استضافتهم للمونديال فتّحت عينيهم على أهمية السياحة؛ وإن العدد الكبير من السياح اللي هجم على البلد وقتها هو في الحقيقة ميزة كبيرة جداً المفروض يستغلوها، وعشان كده قرروا يسهّلوا إجراءات الفيزا السياحية لبلدهم.

في يونيو اللي فات ابتدت تنتشر الأخبار إن روسيا هتسهل عملة الإجراءات الطويلة والمعقدة اللي الناس بتعدي عليها عشان تاخد فيزا سياحة، وبدالها هيعملوا فيزا إلكترونية من أول يناير 2021، ده بعد ما شافوا بنفسهم الزيادة اللي حصلت في عدد السياح لـ4.2 مليون سائح في 2018، بعد ما كانوا 3.8 مليون سائح في 2017، مع اعتبار إن خلال وقت المونديال كانت الفيزا بتبقى أونلاين لأي حد معاه بطاقة المشجع أو الـFan ID وتذكرة حضور الماتش، ويمكن ده اللي أثبت أكتر إن الإجراءات السهلة للفيزا أو إنها تكون أونلاين بالأساس هتشجع الناس أكتر إنهم يبقوا عايزين يروحوا البلد.

ولكن الموضوع ده مش هيبقى متاح لكل دول العالم طبعاً، هيكون لبلاد معينة لسه مأعلنوش عنها، لكن أعلنوا عن البلاد اللي أكيد مش هتكون من ضمن اللي هيتعملهم تسهيلات، وهي أمريكا وكندا وبريطانيا.

المصدر: Lonely Planet