share this article

بعد التسهيلات الكتير اللي السعودية كانت أعلنت عنها بخصوص اجراءات الفيزا السياحية عندهم؛ أعلنوا دلوقتي عن تسهيلات أكبر كمان لأي حد معاه تأشيرة شنجن أو تأشيرة انجلترا أو أمريكا؛ هيكون مسموحله إنه يدخل الأراضي السعودية بالتأشيرات دي.

الهيئة العامة للطيران المدني السعودي GACA قالوا في تفاصيل الخبر إن التسهيلات الجديدة هتكون متاحة لأي جنسية؛ المهم إن باسبور المسافر يكون عليه ختم تأشيرة منهم (شنجن - انجلترا - أمريكا) سواء فيزا سياحية أو للعمل وتكون سارية وقت دخوله السعودية وطول فترة إقامته فيها لحد ما يمشي، ولازم كمان يكون مع التأشيرة ختم دخول وخروج من البلد اللي اديتله التأشيرة، يعني مثلاً لو معاك تأشيرة شنجن من إيطاليا؛ ده معناه إن لازم جواز السفر بتاعك يكون عليه ختم دخول إيطاليا على الأقل مرة واحدة.

متنساش تشوف المقال ده عن 16 مغامرة تقدر تعملهم في السعودية لو فكرت تروح قريب.

المصدر: Saudi Gazette