share this article

تغييرات جديدة عملتها دول الاتحاد الأوروبي ومنطقة شنجن وأقرّوها في يونيو اللي فات، لكن هتبتدي تتنفذ بشكل رسمي من يوم 2 فبراير 2020، وطبعاً التغييرات فيها حاجات لطيفة وحاجات مش على هوانا أوي.

مبدأياًَ هيكون فيها زيادة في الرسوم بنسبة 33% فهتكون 80 يورو بدل 60، هتقدر إنك تملى الأبلكيشن وتقدم ورقك قبل الرحلة ب6 شهور مش 3 شهور بس زي دلوقتي، ومن الحاجات اللطيفة كمان إن المسافرين اللي عندهم قاعدة ثقة كده وطمأنينة ناحيتهم؛ هايخدوا فيزا متعددة الدخول 5 سنوات مش سنة، أما الدول اللي عاملة اتفاقية التعاون مع دول الاتحاد بخصوص طلبات اللجوء والهجرة الغير شرعية هتكون عندها تسهيلات زي تخفيض الأسعار وزيادة مدة صلاحية الفيزا، بعكس الدول اللي مش متعاونة اللي الاتحاد هينفذ معاهم إجراءات تشديد، أما بالنسبة بقى لو البلد اللي عضوة في منطقة شنجن ملهاش سفارة أو أي حد يمثلها في أي دولة كانت، فهم مضطرين إن هم يوفروا ده عن طريق مراكز خدمة أو بالتعاقد مع أي سفارة تانية، حاجة كده عاملة بالظبط زي فودافون UK عندنا اللي هو ناس من مكان تاني بيعملوا شغل ناس مش موجودين هنا.

لو بتخطط لسفرية لأوروبا قريب؛ هتلاقي هنا كل الورق اللي محتاجه عشان تقدم وتاخد فيزا شنجن.

المصدر: schengen visa info