share this article

بعد شهر من رجوع رحلات الطيران البريطانية لشرم الشيخ؛ واللي كانت مانعة رحلاتها لمصر من 2015 بعد الحادثة الإرهابية اللي حصلت للطيارة الروسية في شرم الشيخ، الرحلات من اسكتلندا وتحديداً من إدنبرة وجلاسكو هترجع تاني في نوفمبر 2020.

الرئيس التنفيذي لمطار إدنبرة قال في تصريح رسمي إن شرم الشيخ تعتبر من الوجهات الأساسية للمسافرين الأسكتلنديين، وإن رجوع الرحلات هيرجّع تاني اختيارات كتير للناس اللي عايزة تروح مكان مشمس وسط برد الشتا؛ ودايماً شرم الشيخ بتكون هي الاختيار الأول في الحالة دي.

كمان شركة سفر "توي" زوّدت شرم الشيخ على طول في برنامج الرحلات الشتوية عندها واللي هتبدأ مع تنفيذ القرار في نوفمبر الجاي، وهتبقى الرحلات الأسبوعية من إدنبرة من أول 2 نوفمبر ورحلات جلاسكو من 4 نوفمبر.

المصدر: BBC