share this article

لو خيرت ناس كتير بين السفر والأكل أو أي متعة تانية في الدنيا، كتير هيختاروا السفر، وده اختيار منطقى. بس للأسف، السفر ممكن يبقى أصعب من أي حاجة من دول، عشان كده لما بييجي خبر إن شركة زي Southwest Airlines بتدور على ناس تسافر معاها ببلاش، الواحد بيتحمس. الشركة الأمريكية دي أعلنت إنها بتدور على حكواتية يعملولهم محتوى عن السفر. الجائزة الكبري في المسابقة اللي هيعملوها هتبقى 12 رحلة رايح جي من الشركة، قيمتهم 4800 دولار.

الكسبان هيبقى عنده 99 وجهة يختار منها، متوزعين على المكسيك، أمريكا، جزر الكاريبي، ووسط أمريكا، هيسافروا يكتبوا قصص لشركة Southwest Airlines. الناس اللي عايزة تقدم لازم يحققوا شوية شروط: لازم يبقى العمر على الأقل 21 سنة ولازم يبقى عندك على الأقل 2500 متابع على إنستاجرام -زي الinfluencers المشاهير كده- ولو محقق الشروط دي، تابع حساب شركة  Southwest Airlines، ودور على أحلى صورة ليها علاقة بالسفر عندك، واعمل تاج للشركة واكتب الهاشتاجز دي #SouthwestStoryTellers و#contest، واكتب قصة حلوة عن السفر مع البوست.

الشركة هتختار 100 واحد من النتسابقين دول، وكل واحد فيهم هيملا استبيان عن خلفيتهم وهما ليه الأنسب للفوز بالمركز الأول. الشركة هتختار - وفقًا للاستبيان - الفائز بالمركز الأول (12 رحلة رايح جي)، التاني (6 رحلات رايح جي)، 2 فائزين بالمركز التالت (كوبون هدية من الشركة بقيمة 5000 دولار)، و5 فائزين بالمركز الرابع (10000 نقطة من شركة الطيران).

أخر معاد للتقديم يوم 24 فبراير، والشركة هتتواصل مع ال100 مرشح على يوم 11 مارس.

المصدر: Matador Network