share this article

من يوم ٢١ أكتوبر هيبدأ تنفيذ التعليمات الجديدة اللي وافق عليها مجلس الوزراء الإماراتى ومن أهدافها تسهيل إجراءات كتير لكل اللي عايز يمدد فيزا السياحة أو الزيارة ومن غير ما تسافر بره الإمارات.

الإجراءات الجديدة أهم ما يميزها أنها بتديك حق تمديد إذن الدخول للدولة سواء للسياحة أو للزيارة مرتين بحد أقصي كل مرة ٣٠ يوم، رسوم التمديد هتكون ٦٠٠ درهم إماراتي عن كل مرة تمديد، ولازم تقدم قبل إنتهاء من مدة التواجد بتاعتك لمدة ٣٠ يوم وإلا هتضطر إنك تخرج من البلد وترجع بفيزا جديدة. ولازم تقدم الطلب دة عن طريق وكالات السياحة أو شركات الطيران اللي من خلالها اخدت فيزا الدخول. 

بردو الإعلان أتكلم عن الغرامات اللي ممكن تقع فيها لو خالفت مدة الإقامة القانونية في البلد وهي ١٠٠ درهم إماراتي عن كل يوم تأخير بعد ١٠ أيام من تاريخ انتهاء الفيزا.

تقدر كمان تشوف التفاصيل من موقع هيئة الهوية الإماراتي.

مصدر الخبر: الهيئة الاتحادية للهوية والجنسية