share this article

أمريكا كالعادة بتتصدر المرتبة الأولى؛ بس المرة دي مش في الاقتصاد ولا العلوم والتكنولوجيا؛ لكن في عدد حالات الإصابة بفيروس كورونا المستجد، وفي الوقت اللي أنا بكتب فيه ده هم عدّوا حاجز الـ82 ألف حالة ولسه العداد بيعد، وبكده هم عدوا الصين اللي ظهر فيها الفيرس أصلاً، وإيطاليا اللي بقالنا أسابيع متابعيتها، وطبعاً إيران.

بس أمريكا مش هتسكت طبعاً، وعايزة تساعد شعبها بس هم عارفين إنه ما باليد حيلة، وإن المستشفيات والدكاترة اللي فيها مش كفاية، قوم عملوا إيه بقى؟ فتحوا تقديم على فيزا للعاملين بالمجال الطبي وبالأخص لو بيتعاملوا مع الأوبئة الجائحة، يعني لو بتشتغل في المجال الطبي تقدر تتواصل مع أي قنصلية أو سفارة أمريكية قريبة ليك وهم هيحددوا لك المعاد اللي تيجي تاخد فيه تأشيرتك على طول عشان تتوكل الله على أمريكا، آه أمريكا من أول البلدان اللي قفلت بابها على نفسها، بس هم دلوقتي محتاجين مساعدة فابيرحبوا بأي حد من أي حتة بس يكون بيشتغل في المجال الطبي، لو محتاج تفاصيل أكتر ادخل على الموقع ده http://ow.ly/EZ3V50yX6fK.

المصدر: Skynews