share this article

عملية تجديد وترميم شاملة كانت بتتعمل للمسلة الرخامية في واشنطن على مدار الـ3 سنين اللي فاتوا، واللي أخيراً أعادوا افتتاحها الخميس 19 سبتمبر.

المسلة اللي اتبنت عشان تبقى تكريم لأول رئيس أمريكي؛ جورج واشنطن، كانت بدأت عمليات الترميم على كذا مرحلة، أولهم في 2011 لما المنطقة حصل فيها زلزال قوته 5.8 ريختر، أثّر بشكل كبير على هيكل المسلة وعمل فيها أكتر من 150 تشقق، لكن بعد ما خلّصوا الترميمات وأعادوا افتتاح المسلة في 2014؛ خلال سنتين بس اضطروا يقفلوه تاني بسبب كابل الكهرباء الخاص بالأسانسير اللي بينقل الناس لقمة المسلة.

وعشان ميحصلش إعادة إغلاق تاني للمكان؛ غيروا الأسانسير كله، وركّبوا واحد جديد هيقدر ينقل الناس في دقيقة واحدة بس للقمة، بدل الـ900 درجة سلم اللي كان سياح كتير بيلجأوا لها تجنباً لأعطال الأسانسير القديم، غير كمان البوابات الأمنية الجديدة اللي زودوها؛ ومن خلالها هيبقى مطلوب من الناس يحطوا متعلقاتهم في أجهزة الفحص بالأشعة السينية زي اللي بيحصل في المطارات بالظبط.

مسافر قريب؟ جمعنالك كل الورق اللي محتاجه عشان تقدم على فيزا أمريكا.

المصدر: Fox News