share this article

لما بنفكر في السياحة في الإمارات بييجي في بالنا على طول كمية المزارات ونوعية الأنشطة اللي خلقوها للسياح هناك، ما بين الأطول والأسرع والأول والفريد من نوعه في أي حاجة بيعملوها تقريباً؛ لكن الإمارات كمان ظهرت بشكل كبير على خريطة السياحة العلاجية في العالم، ومن ضمن المدن اللي مؤخراً بقت وجهة للسياحة من النوع ده هي دبي وأبو ظبي اللي احتلوا المركز 16 و25 في قائمة أفضل وجهات عالمية للسياحة العلاجية.

وبالإرقام؛ فالسياحة العلاجية حققت نموسنوي نسبته 11.9% من سنة 2014 لحد سنة 2019، ما بين جراحة العظام والأمراض الجلدية وطب الأسنان، وبالمعدل ده يبقى نسبة المبيعات هتكبر وهتوصل لأكتر من 5 مليار دولار في 2023.

أما عدد السياح نفسهم وصل من 107 ألف سائح جاي عشان العلاج في 2012؛ لـ337 ألف سائح في 2018، واللي بيختاروا الإمارات بسبب عدد المستشفيات الكتيرة اللي فيها واللي بتقدم خدمات بجودة عالمية، غير إن مراحل التطوير المستمرة بتخلي فترات الإنتظار لكل مريض قليلة رغم زيادة عددهم، كمان لأن معظم الدكاترة أجانب بما إن عدد المقيمين في البلد نفسها هما في الغالب جنسيات من دول كتير في العالم.

المصدر: Forbes Middle East