share this article

تذاكر الطيران في أوقات كتير بتبقى هي أكبر مبلغ بتدفعه في أي سفرية؛ خصوصاً لو مش هتصرف كتير في الوجهة اللي إنت هتزورها، وعشان كده بنتابع عروض شركات الطيران اللي من ضمنهم طيران الإمارات؛ واللي أعلنوا عن عروض كتير على التذاكر لأي حد هيحجز تذكرته قبل يوم 16 سبتمبر.

الجميل في الموضوع إنهم مش مشترطين إنك لازم تسافر خلال مدة قريبة، ممكن تحجز تذكرة سفر لحد آخر يونيو 2020، يعني محتاج تقرر وجهتك بس لسفرية الصيف الجاي مثلاً؛ وتحجز التذكرة من دلوقتي أياً كان معادها امتى المهم إنها تكون قبل آخر يونيو.

الأسعار بتبدأ من 795 درهم إماراتي (حوالي 3,500 جنيه مصري) على الدرجة الإقتصادية لأي بلد في الشرق الأوسط، ولو لأوروبا هتبدأ من 1,995 درهم (حوالي 8,800 جنيه)، يعني رحلة ذهاب وعودة القاهرة – دبي هتكلف حوالي 6,765 جنيه مصري. وبانجوك هتعمل تقريبا 9,331 جنيه مصر من القاهرة، لو عايز بقى تحجز في درجة رجال الأعمال أو تدعبس وتمخمخ رحلتك الجاية هتلاقي كل حاجة على موقع www.Emirates.com.

المصدر: Time Out Dubai