share this article

ما بين شواطىء كيب تاون والحيوانات البرية في محمياتها الطبيعية ومتاحف وضواحي جوهانسبرج، والطبيعية والجمال اللي في كل حتة في جنوب أفريقيا، مش هتحتاج إقناع كتير عشان تجهز شنطك وتطلع على جنوب أفريقيا في أسرع وقت.

عشان تروح جنوب أفريقيا، كنت بتبتدي مشوارك بسحلة أوراق ومصالح حكومية، بس ده كان زمان. الثلاثاء اللي فات ده، حكومة جنوب أفريقيا أعلنت إنها في آخر مراحل إلغاء الفيزا لبلاد كتير، 19 دولة في المجمل، منهم أكتر من 10 دول عربية، مصر، الإمارات، لبنان، السعودية، الكويت، عمان، البحرين، فلسطين، قطر، المغرب، الجزائر، تونس.

التغييرات دي اتعملت عشان تشجيع السياحة والإستثمار في جنوب أفريقيا، وفي تغييرات زيادة كمان هتتعمل عشان تشد سياح أكتر، من ضمنها  تسهيل عملية الفيزا لبلاد زي الصين والهند – اللي لسه محتاجين فيزا عشان يزوروا جنوب أفريقيا.

المصدر: رويترز ووكالات أنباء عالمية