share this article

جوجل دايمًا بتعلي على نفسها، وكل ما تفتكر إنهم عملوا المستحيل، بيعملوا حاجة تفاجئك. أخر دخول ليهم في عالم السفر عملوا فيه صفحة اسمها Trips، ودي جمعوا فيها كل موارد السفر اللي عندهم ونزلوا بيها قبل كده. الصفحة دي هيبقى فيها Google Trips، Google Flights، Google hotels، وحاجات تانية تحتها.

لو فتحت صفحة سفر جوجل، هتلاقي Trips في وشك، ودي هتساعدك تنظم رحلتك بشكل أفضل، وتشوف اختيارات متنوعة للطيران والإقامة، وكمان رحلات مخصوصة لللأجازات. لو حجزت رحلة أو إقامة، حتى لو من طرف تالت زي Booking.com، هتقدر تشوف تأكيد الحجز والوصولات ظاهرة على Trips، بالإضافة لمعلومات هتهمك عن الرحلة زي المواعيد وأخبار الطقس.

 

الروابط بين منتجات جوجل المختلفة كمان اتاخدت حتة تانية عن طريق Trips، دلوقتي تقدر تفتح خرائط جوجل وتدور على فندق أو مطعم حاجز فيه، وهيظهرلك مواعيد حجزك وتفاصيل التأكيد كمان. هيبقي في كمان أوبشن "استكشف" اللي بيديك فرصة تعرف أنشطة إيه حلوة ممكن تتعمل حوالين المكان. في كذا خاصية تانية تبع Trips هيتزودوا لخرائط جوجل في الشهور الجاية.

المصدر: The Verge