share this article

Airbnb هو موقع بيساعدك إنك تلاقي إقامة بسعر بسيط أو في أماكن مميزة وإنك تقضي تجربة حقيقية مع أهل البلد، وهو موقع مشهور بالنسبة للمغامرين لأن فكرته مختلفة عن الأوتيلات أو الهوستيلات، لأنك بتسكن فترة في بيت حد من أهل البلد دي وده طبعًا بيديك فرصة إنك تشوف خبايا الثقافة اللي بتظهر في التصرفات اليومية اللي مش هتعرف تعيشها لو إنت فاصل نفسك بأوضة في أوتيل ومحاولتش تحتك بأصل الثقافة.

1- مصر
- القاهرة، جزيرة الدهب

في ناس كتير أوي متعرفش إن في جزيرة في القاهرة إسمها جزيرة الدهب، وهى مكانها على النيل وجنب الأهرامات.  شكل البيت شبه العوامات بتاعة باشوات زمان. وبيوفروا الفطار لك في جنينة البيت  وممكن يعملوا عشاء رومانسي على حسب الطلب وخروجات بليل وفلوكة. وهم بيستقبلوا فردين بس.
السعر: 342$ للشخص شامل الفطار
عدد الأوض: أوضة واحدة
الخدمات: واي فاي وكل الأجهزة الكهربائية اللي ممكن تحتاجها.
للتواصل مع أصحاب البيت

-الفيوم، بحيرة قاروونالمميز فيها إن البيت في مزرعة وفيها حيوانات جنب بحيرة قاررون ووادي الريان ودي أهم أماكن سياحية في الفيوم. وممكن يجيب الضيوف من المطار على حسب الطلب. وهي مناسبة أكتر لشلة أصحاب.
السعر: 45$ للشخص شلمل الفطار
عدد الأوض: 4 ل8 أشخاص
الخدمات: واي فاي وكل الأجهزة الكهربائية
للتواصل مع أصحاب البيت

- نجع سهيل غرب، أسوانمبني على الطراز النوبي وهو على النيل، مناسب للناس اللي بتحاول إنها تقضي وقت في وسط الطبيعة والإسترخاء. كمان المكان هناك فيه ناس مسئولين عن إنهم يسعدوا النازلين في أي إستفسارات أو الأنشطة اللي ممكن تتعمل هناك زي: رحالات النيل، والتزلج على الرمل، ورحالات الصيد، وحمامات الطمي.
السعر: 50$ للفرد
عدد الأوض: 10 ل16 شخص
الخدمات: واي فاي وكل الأجهزة الكهربائية
للتواصل مع صاحب المكان

 2-لبنان
- بيروت، تحوم
ده مناسب للناس اللي بتحب تعيش في البيوت القديمة. البيت قريب من البحر وقريب من النايت لايف
السعر: 240$ في الليلة
عدد الأوض: أوضتين ل12 شخص
الخدمات: مفيش واي فاي وموجود بس الحاجات الأساسية زي الفوطة وفرش السرير
للتواصل مع أصحاب البيت 

-عربية مُتنقلة
عربية كبيرة مُجهزة بكل الإحتياجات الأساسية من سرير ومطبخ وحمام، بتتنقل في كل حتة من الجبال للبحر على حسب مزاجك، بس مينفعش إنت اللي تسوق الVan، ويقدر يتنقل بيك في 8 مواقع وأماكن مختلفة.
السعر: 150$ في الليلة
عدد الأوض: أوضة واحدة لشخصين
الخدمات: مفيش واي فاي وموجود بس الحاجات الأساسية زي الفوطة وفرش السرير
للتواصل مع صاحب العربية

غابات، كفر حيلدا  بيت مصنوع بالخشب في وسط الغابة على شجرة، ودي مغامرة جميلة لأي حد بيحب الطبيعة. بيوفروا الأساسيات من تجهيزات الأوض والحمام والمطبخ، بس في كام حاجة لازم تاخد بالك منها زي إنك هتبقى في غابة فأكيد هيكون في حشرات، مش مناسب أوي للأطفال، الحاجات اللي ممكن تحتاجها بعيدة زي السوبر ماركت والمستشفى بعيدة عن المكان ب5 كيلو. ولازم برضه يتحط في الإعتبار إن الدنيا في الشتاء بتكون ساقعة أوي، بس هم مركبين دفايات كهربائية في البيت كله. فالبيت ده مغامرة لازم تكون دارس كل الإحتمالات قبل ما تقبل عليها. 
السعر: 180$ في الليلة
عدد الأوض: 3 ل13 شخص
الخدمات: مفيش واي فاي وموجود بس الحاجات الأساسية زي الفوطة وفرش السرير
للتواصل مع صاحب البيت 

3-شاطىء الصفوح، دبي، الإمارات 

الكارفانات عمًة مبتكونش متوفرة في كل الدول، فلو رايح دبي ممكن تجرب تعمل المغامرة دي بالأخص لأنهم متجهزين من جوة بإمكانيات عالية ولا أجدعها فندق، وميزتها طبعًا بإنك تكون عايش في بيت مُتنقل. 
السعر: 270$ في الليلة 
عدد الأوض: أوضتين  ل6 أشخاص 
الخدمات:مفيش واي فاي وموجود بس الحاجات الأساسية زي الفوطة وفرش السرير
للتواصل مع صاحب الكارفان 

4-المغرب
-مركز جماعة تافدنة، المغرب
تجربة التخييم في صحاري المغرب مهمة أكتر من القعدة في أوضة بعيدة عن الطبيعة. الخيم دي موجودة على ساحل المحيط الأطلنطي فمنظر الشروق والغروب بيكون مُبهر. ومجوعة الخيم دي هناك بتحاول تشارك في العمل البيئي والإنخراط المدني والتبادل الثقافي، زي إنهم يستضيفوا أوربيين فيكون في فرصة إن يحصل إنسجام بين ثقافتين بعيد عن بعض زي أوربا والعرب. على الناحية التانية بيشاركوا في التطوير البيئي زي إنهم ينضفوا الشواطىء أو يبنوا أكواخ بمواد غير مُضرة للبيئة ويستقبلوا فيها الزوار، وبيدوك فرصة في إنك تطوع معاهم في أي من الأنشطة المدنية دي. 
السعر:32$ في الليلة
عدد الأوض: أوضة لزائرين
الخدمات:مفيش واي فاي وموجود بس الحاجات الأساسية زي الفوطة وفرش السرير
للتواصل مع صاحب الخيمة

-توكانة، المغربكامب مودرن شوية بعيد عن جنوب مراكش ب7 كيلو، فيه بسين وتراس واسع وجنبه مطاعم وكل الخدمات، بحيث لو إنت عايز تجرب حاجة جديدة بس متكونش بهدلة أوي يعني.
السعر: 71$ في الليلة 
عدد الأوض: أوضة لشخصين
الخدمات: واي فاي وكل الأجهزة الكهربائية اللي هتحتاجها 
للتواصل مع صاحب الكامب 

5-الأردن 
-إربد، الأردن  عمار خماش كان بيجي في البيت ده يرسم ويجمع قصص كتير مُسلية. عمار خماش هو فنان تشكيلي فلسطيني أردني ومصمم معماري وبسببه إتسمي البيت ده بإسم" بيت الفنان" . البيت في وسط منظر طبيعي هايل وقريب من كل الحقول الأردنية. مناسب جدًا لو حد عايز يقضي الويك إند هناك أو يعيش أجواء رومانسية.
السعر: 212$ في الليلة 
عدد الأوض: أوضة واحدة لشخصين
الخدمات:واي فاي وكل الأجهزة الكهربائية اللي هتحتاجها 
للتواصل مع صاحب بيت الفنان

-بترا، الأردن المميز فيها إنك هتبقى في كهف في مدينة أثرية، وده هيوفرلك فرصة في إنك تتقابل مع البدو وتاكل الأكل التقليدي وتقوم بالرحلات في الصحراء. 
السعر: 30$ في الليلة 
عدد الأوض: 3 سراير
الخدمات: ولا حاجة غير المرتبة اللي هتنام عليها والمخدات 
للتواصل مع أصحاب المكان 

6-تونس
-بنزرت، تونس

 البيت ده جنة وميزته إنه على البحرووسط الطبيعة. جوة البيت بسين عشان يبقى قدامك أكتر من إختيار.
السعر: 148$ في الليلة
عدد الأوض: أوضتين ل4 أشخاص
الخدمات: تكييف وأساسيات البيت زي فرش السرير والفوط، وفيه مطبخ فممكن متحتاجش تشتري أكل جاهز، بس المشكلة إن البيت مفيهوش واي فاي ولا تلفزيون
للتواصل مع أصحاب البيت.