share this article

الموضوع ده اتنشر لأول مرة على مشروع سفر، ويعاد نشره في Safareya بالإتفاق مع إدارة الويب سايت.

أكيد مفيش حد بيحب ينام في المطار، بس زي ما العنوان بيقول، أحيانا بنضطر نعمل كده بسبب الظروف اللي بتحصل في المطار، سواء رحلات ملغية أو متأجلة، أو ترانزيت طويل وكده. ولأن المطارات معظمها مش مسلي أوي، المُسافرين بيحبوا يستغلوا الوقت الفاضي ده ويناموا لغاية معاد الطيارة، لأن مفيش أحسن من انك توصل البلد اللي هتروحها وانت واخد كفايتك من النوم وجاهز تبدأ تلف وتستكشف.
لو خلاص بقى قفلت معاك ومش عارف تنام يبقى ما قدامكش غير تفتح النت وتشوف نتفليكس أو تشكي حالك على فيسبوك باسوورد WIFI أكتر من 300 مطار حوالين العالم.

1 - هات أدوات تساعدك على النوم
هاشتاج بديهيات، مش كل الناس زي بعض في النوم، فيه ناس بتقدر تنام عادي وسط الدوشة وفي ناس ما بتقدرش. فلو مش عارف تنام من دوشة ونور المطار يبقى تشتري من هناك سدادة للودان وقناع النوم وممكن المخدة الU عشان يساعدوك أكتر انك تنام. طبعاً لو معاك الحاجات ديه في الشنطة من الأول تبقى وفرت على نفسك شوية فلوس.

2 - اختار أفضل مكان تنام فيه في المطار

مصدر الصورة: schwannema
طب ودي نعرفها ازاي؟ انا ممكن أصلا عقبال ما ألف المطار كله يبقى معاد طيارتي جه! موقع sleepinginairports.net بيحل المشكلة دي، لإنه من اسمه متخصص بس في إنه يساعدك تعرف معلومات عن النوم في كل مطارات العالم. تقدر تدخل عليه وتقرأ reviews ورأي ناس راحت المطار ده وتعرف الأماكن اللي هما عرفوا يناموا فيها جوه المطار والأماكن اللي ماعرفوش يناموا فيها. الموقع كمان مفيد في كل ما يتعلق بالمطارات زي انك تعرف المطار فيه انترنت ببلاش ولا لأ وأنواع المطاعم الموجودة جوا المطار الخ الخ.

3 - أمن حاجتك
مصدر الصورة: Dan Kitwood

أكتر مشكلة هتقابلك لما تيجي تنام في المطار هو خوفك من أن حاجتك تتسرق وأنت نايم، وده شيء طبيعي. لكن تقدر تعمل شوية إجراءات أمان بسيطة تساعدك تنام وانت بالك مرتاح. لو مسافر مع حد يبقى تعملوا شيفتات كل واحد ينام شوية والتاني ياخد باله من الشنط وتبدلوا. تقدر كمان تنام في حتة في المطار تكون قريبة من مكتب الأمن أو الشرطة أو أي مكان فيه فرد أمن واقف على طول، لأنه هيلاحظ لو أنت اتسرقت وأنت نايم. نام وشنطك في حضنك.
حاول تحط شنطك في أماكن ذكية لا يمكن حرامي يفكر يسرقها، شنطة صغيرة تحت راسك كمخدة مثلاً والشنطة الكبيرة تسند رجليك عليها. الباسبور والتذكرة وأي أوراق مهمة لازم يبقوا في جيبك طول الوقت وأنت نائم لأن كلنا عارفين ازاي ممكن أي سفرية تبوظ لو ضاعوا وأنت في المطار.

4 - اسأل الـ Lounge بكاممصدر الصورة: finavia

دائماً عندنا نظرة كدة أن أي Lounge في المطار لازم يا إما هتكون للركاب اللي حاجزين First Class أو هتدفع مبلغ خيالي عشان تدخلها. ده مش صح في كل الحالات، أحياناً ممكن تبقى أرخص من ما أنت كنت متخيل فلازم تسأل لو عايز تدخل هتدفع كام لأن جوا هتلاقي حمامات ممكن تستحمى فيها وإنترنت وهدوء أكثر وكراسي مريحة تنام عليها.

6 - اسأل شركة الطيران على أي تعويض
لو رحلتك اتلغت أو اتأجلت لفترة فشركة الطيران هي المسئول الأول. رغم أنه في أوقات كتير بيكون غصب عنهم لكن في شركات طيران هتساعدك بشوية تعويضات سواء فاوتشرز تدخلك الLounge، أو ليلة في فندق المطار. ما تتكسفش انك تسئل واتكلم معاهم بهدوء وشوف هيقدمولك إيه.

7 - توقع أن ممكن حد يصحيك
النومة في المطار مش بس مش مريحة لكن كمان في شوية مطارات ممكن ترخم عليك وماتسمحلكش انك تنام. فحاول تحط دائماً إحتمالية ان يجي ظابط يصحيك ويقولك ما ينفعش تنام هنا. ماتقولوش أي حاجة ولا ان طيارتك اتلغت وكل الكلام ده لأنه سمعه مليون مرة. شيل حاجتك ودور على مكان تاني تقدر تنام فيه.

8 - اظبط المنبه

طبعا مش محتاج أوصيك، احنا مش في موقف العاشر! مش هينفع تجري ورا الطيارة وتقول للطيار يستناك، احنا ما بنصدق نسافر أصلا.