share this article

بيروت مدينة جميلة فعلًا، هتحس فيها بكوكتيل غريب بين الجديد والقديم، وهتلاقي فيها تاريخ ومظاهر لعدد حضارات كبير لدرجة إنك هتحس إن المدينة دي مش عارفة هي مين بالظبط - هتشوف معمار روماني ومساجد من أيام الفتح الإسلامي، وآثار من زمن االدولة العثمانية، وحاجات تانية كتير. بيروت كمان فيها ثقافات كتير مختلفة كتير ومنهم اللي عكس بعض ومنهم اللي بيحاربوا بعض في دول تانية بس عايشين جنب بعض عادي في بيروت، طب تبتدي تستكشف ده كله منين؟

الناس والأماكن في بيروت
اتحرك ازاي؟ تروح لبيروت وتتحرك جواها ازاي
أبات فين في بيروت؟ الفنادق، والهوستيلز، والبدائل ليهم
أعمل ايه في البلد؟ سيب نفسك لبيروت
أكل فين؟ الأكل المحلي وتلاقيه فين
برا بيروت: رحلات صدة ردة من بيروت
بيروت تنفع لدول ولا لأ؟: العائلة، البنات، والحيوانات
أصلي فين؟: العبادة في بيروت
الصحة والأمان في بيروت
البنوك والATMs
نصائح عن خبرة

 

 

 

* الناس والأماكن في بيروت

ناس بيروت متنوعين زي مبانيها وآثارها بالظبط، اللغة العربية هي اللغة الأساسية هناك، لكن كبير من اللبنانيين بيتكلم فرنساوي جنب العربي - بسبب الإحتلال الفرنسي - وفي ناس كتير بتتكلم إنجليزي، ده غير برضه جزء من اللبنانيين الأرمن بيتكلموا اللغة الأرمنية.

شعب بيروت لذيذ جدًا وغالبًا هتكوّن صداقات كتير وإنت هناك، الناس في بيروت متسامحين كمان وبيتقبلوا الأخر بإحترام وفي ديانات كتير مختلفة ومش هتلاقي اللي يكفرك زي بلاد تانية كتير جنب لبنان، فا مش هتضطر تخفي ديانتك أو وجهة نظرك في الدين اصلًا.

زي أي مكان، في مناطق في بيروت يفضل ما تروحهاش غير لو معاك حد من أهلها أو دليل، الحدود مع إسرائبل يفضل تبعد عنها وما تروحهاش، كذلك المخيمات والمناطق تحت السيطرة العسكرية، كل الأماكن دي مفيهاش أصلا مزارات سياحية تتزار، فمش مستاهلة تكدر نفسك. لكن بعيدا عن المناطق دي، بيروت مليانة مناطق جميلة ومختلفة، وكل منطقة ليها شخصيتها وناسها:

الأشرفية: ده واحد من أقدم أحياء بيروت وأكترها ازدحامًا. هتلاقي فيها محلات وكافيهات ومطاعم معروفة، ومباني تاريخية قديمة، وفيها مباني اتهدمت وقت الحرب، لسه اللبنانيين محتفظين بها كذكرى لأوقاتهم الصعبة، والناس اللي بتحب المعمار والتاريخ هيحبوا يتمشوا في الأشرفية.

وسط بيروت: يعتبر المركز المالي والاقتصادي والإداري للبلد وقلب بيروت، ويعتبر مقر سوق بيروت للتسوق أنضف مناطق التسوق في بيروت، ومكان مفضل للمتسوقين اللي بيدوروا على العلامات التجارية العالمية والمحلية. وسط بيروت كمان فيه متاحف وحدائق وأماكن عامة جميلة، ومناطق أثرية هتساعدك تعرف تاريخ بيروت.

الحمرا: شارع الحمرا كان من أكتر شوارع بيروت الحيوية والزحمة قبل الحرب، وعلى رغم إن الدنيا اتغيرت بعد الحرب، إلا إنه لسه الحمرا مركز اقتصادي ودبلوماسي وثقافي مهم في بيروت. الشارع فيه جامعات كتير، وفيه عدد كبير من الكافيهات والكافيهات والمطاعم العالمية. الحمرا كمان فيها شارع بلس، اللي هتلاقي فيه أحلى أكل شارع في بيروت.
 
مار ميخائيل: مار ميخائيل من أحلى المناطق في بيروت وهتلاقي بيها حاجات مدفونة كده مش معروفة وممكن تقضي فيها أحلى وقت. المنطقة دي كمان فيها اهتمام كبير بالفنون وفيها معارض فنية كتير. غير كده، هتلاقي في مار ميخائيل كمان أماكن تسهر فيها وبارات ومطاعم وحتت تسمع فيها مزيكا لايف.

بدارو: ده شارع في قلب بيروت ومعظم سكانه مسيحيين، وبدارو شارع جميل مليان أشجار في كل حتة وبيبقى جميل اوي تتمشى فيه الصبح، والدنيا فيه مسلية بالليل جدًا. كمان الشارع فيه متحفين مهمين، متحف المعادن، ومتحف بيروت الوطني.

الروشة: ده حي تجاري وسكني في بيروت مشهور بمبانيه اللي تصميماتها جميلة ومختلفة، وبالمطاعم الجميلة. الروشة كمان معروف بمنظر طبيعي جميل اللي هو صخور الروشة، وهي عبارة عن تشكيلات صخرية منظرها جميل، وبيجيلها سياح ولبنانيين كتير.

 



* اتحرك ازاي؟ تروح لبيروت وتتحرك جواها ازاي

إزاي اوصل لبيروت

لو جي لبنان بالطيارة هتنزل المطار الوحيد في لبنان، مطار رفيق الحريري في بيروت.

باصات المطار

مفيش شركة باصات بتخدم المطار مخصوص، بس في ميني باصات صغيرة هتلاقيها بره الصالات وبتطلع بره المطار ملهاش محطات معينة، فا هتشاور له يقف لك. دول بيبقى لونهم عادةً أبيض (وساعات أخضر أو أحمر) ونمرهم لونها أحمر، ومعظم الباصات دي Kia Bestas.

تأجير العربيات
هتلاقي 5 شركات تأجير عربيات في المطار، زي Alamo وAvis وBudget وHertz، وغيرهم، بأسعار مختلفة هتناسب أيًا كان الفلوس اللي عامل حسابك عليها. الأسعار بتختلف من 10 دولار في اليوم إلى 50 دولار في اليوم حسب العربية اللي هتأجرها والحاجات اللي فيها. في شركات تانية معروفة زي Sixt ملهمش مكتب في المطار بس لو بعتلهم رقم رحلتك، وتفاصيل الكريديت كارد، والإيميل، ورقم الموبايل، هيبعتوا لك حد يستقبلك في المطار. تقدر تقارن الأسعار بين الشركات المختلفة من قبل ما تسافر أصلًا. الجميل في السواقة في بيروت إنك مش محتاج رخصة دولية! لبنان بتسمح للأجانب إنهم يسوقوا برخصتهم المحلية بشرط إنها تكون طالعة بقالها من سنة لسنتين ومكتوبة بالإنجليزي، لو مش مكتوبة بالإنجليزي هتضطر تترجمها ترجمة معتمدة. خليك فاكر تحاول تاخد عربية فيها GPS شغال أو تشيل معاك خريطة بدل ما تلاقي نفسك على الحدود مع سوريا ولا حاجة.

التاكسي
الأجرة المتعارف عليها لمشوار من المطار لقلب بيروت 20 دولار، بس هتلاقي برضه سواقين تاكسي بيحاولوا يغفلوك علشان سائح وياخدوا أكتر. لو هتاخد تاكسي عادي من المطار هتدفع أكتر من الضعف، حوالي 45 دولار . ممكن برضه تحجز تاكسي من شركة خاصة عن طريق الفندق أو شركتك، وسعرهم موحد حوالي 18 دولار. تقدر تحجز تاكسي قبل ما تسافر بنفس سعر التاكسي العادي.

أوبر
هتلاقي أوبر في بيروت وممكن تستعمله بدل ما تقعد تفاصل في الأجرة. 

الحركة جوه بيروت
أيًا كان المواصلات اللي هتستعملها، في لبنان ممكن تدفع بالدولار أو بالليرة اللبنانية، الاتنين مقبولين وخلي معاك دي ودي، هينفعوك، الدولار بيساوي ألف ونص ليرة، فلما سواق التاكسي يقولك الحساب ٢ دولار تبقى عارف علطول يا هتدفعله ٢ دولار يا هتدفعله ٣٠٠٠ ليرة لبنانية.

الباص
لبنان بلد صغيرة، ممكن تقطعها من شمالها لجنوبها في ساعات قليلة جدًا. علشان كده لو عايز تروح أي مدينة من بيروت، الباص هو أنسب حاجة علشان المدن متوصلة بشبكة مواصلات شغالة علطول، زي OCFTC اللي عندها أوتوبيسات أبيض في أزرق، و LCC اللي عندها أوتوبيسات أبيض في أحمر. بس بالباصات دي ملهاش مواعيد رسمية وخطوطهم بتتغير ساعات، وعلشان مفيش محطات باص كتير ف بيروت، لو شفت باص ماشي شاور له علشان يقفلك، أو اطلع على أقرب محطة باصات. تكلفة التذكرة جوة المدينة دولار واحد، ومن بيروت لمدن خارجها من 2-5 دولار على حسب رايح فين، وبتدفع الأجرة أول ما تطلع الباص.

محطات الباص
محطة باص Charles Helou: المحطة دي هتلاقيها بين الميناء والجميزة ولو على رجلك روحلها عن طريق Saifi Urban Gardens. من المحطة دي بتطلع باصات لشمال لبنان ومدن في بلاد تانية (زي دمشق). عادةً هتجيب التذاكر من شباك التذاكر على حسب المنطقة (منطقة A أو B أو C). الباصات اللي رايحة مناطق في لبنان زي بيبلوس، وجونيه، والبترون، وطرابلس بيطلعوا من المنطقة C، وفي العادي الباصات دي بتعدي من مدينة الدورة. الشركة اللي بتوفر أحسن خدمة على الخط ده اسمها Connexion buses ورقمها : 96106626969+
منظمين وبيتحركوا كل 15 - 20 دقيقة.

(Cola Intersection (Cola: من التقاطع الكبير ده شمال شرق بيروت، الباصات بتطلع لمناطق في جنوب لبنان زي الشوف، ودميت، وباروك، وبيت الدين، وصيدون، وصور، وفي سهل البقاع (بعلبك، وشتورا، وزحلة).

الدورة: من الصينية الكبيرة بتاعت الدورة (مكتوبة درة على اليفط)، الباصات بتطلع للمناطق الشمالية في لبنان زي بيبلوس، وجونيه، والبترون، بين مري، وبرمانا، وطرابلس. وإنت راجع هتنزل في الدورة برضه وعلشان ترجع لبيروت من الدورة خد باص اللي هيعدي على محطة Charles Helou في إتجاه كولا (باص 6 و15) أو ناحية الأشرفية والحمرا (باص 2).


تاكسي"سيرفيس"
ده تاكسي بس زيه زي الأوتوبيسات، بتشاورله وتقول "سيرفيس" وبياخد ناس تانية معاك في العربية في السكة فمتتوترش لو لقيته قالبه ميكروباص. في العادي ليهم خطوط محددة زي الأوتوبيسات، وقول له اسم المحافظة أو المنطقة بلاش اسم الشارع. في العادي تكلفة السيرفيس 2000 ليرة (1.5 دولار)، وممكن يروح معاك مكان بره الخط بتاعه بس هتفاصل كتير على سعر.

تاكسي
التاكسي في بيروت مش فيرنا وعربيات صيني تحت السلم زي مصر، هتلاقي تاكسي ميرسيدس عادي! تعرفهم من يافطة التاكسي والنمر الحمراء، وملهمش عداد فا يستحسن تسأل عن السعر بتاع المشوار قبل ما تطلع. الأجرة بتتحدد على حسب المكان اللي رايحه مش المسافة، ودي ميزة علشان بيروت زحمة جدًا. 

ممكن برضه تحجز تاكسي من قبل ما تتحرك وده هيبقى أغلى شوية علشان أنضف من التاكسي العادي ومكيف. الفنادق بتديك دليل فيه كل شركات التاكسي في المدينة، زي
1- Geryes Taxi: 009611332747
2- Taxi Premiere: 009611389222- 1260
3- Allo Taxi: 009611366661- 1213
 
Uber
أوبر من أريح الطرق اللي ممكن تتحرك بيها، لو معاك فلوس كفاية.

على رجلك
بيروت مدينة صغيرة، ممكن تتحرك فيها على رجلك وتكتشف الحواري والشوارع المستخبية والمحلات والبارات والمطاعم اللي بيهم واهو منها شوية رياضة. بس خد بالك إن اليفط في بيروت مش أحلى حاجة وممكن تلاقي يافطة عليها رقم بدل اسم الشارع، وأهل بيروت مش هيعرفوا يساعدوك اوي لو استعمل اسم شارع، فخليك في أسامي حاجات مشهورة في الحتة اللي إنت رايحها.

 

 



ابات فين في بيروت؟ الفنادق، والهوستيلز، والبدائل ليهم

سواء بتحب قعدة الفنادق أو الهوستيلز وأيًا كان ميزانيتك، هتلاقي في بيروت أماكن كتير حلوة تريح فيها شوية من استكشاف المدينة. لو مش عايز فندق أو هوستيل ممكن تجرب دايمًا AirBnb أو couchsurf اللي هيدوك فرصة أكبر تتعرف على ناس من البلد وتعيش عيشتهم.

الفتادق
من 0 - 99$ في الليلة

The Grand Meshmosh Hotel

العنوان: محمد عبد الباقي، الدخلة اليمين قبل كبابجي، شارع الباقي، الحمرا
التليفون: 9611742390+
الإيميل:  info@thegrandmeshmosh.com

Hamra Urban Gardens

العنوان: شارع ليون، الحمرا 
التليفون: 9611563465+
الإيميل:  hello@hamragardens.com

Caramel Boutique Hotel

العنوان: شارغ Alleyway، الحمرا، 0234
التليفون: 737388 1 961+
الإيميل:  info@caramelboutiquehotel.com

Queens Suite Hotel

العنوان: شارع المقدسي، الحمرا 
التليفون: +961 1 345 690
الإيميل:  info@queenssuitehotel.com

Country Lodge Hotel & Resort Beirut

العنوان: شارع بصاليم الرئيسي 
التليفون: 502 710 4 961+
الإيميل:  info@countrylodgeclub.com

من 100$ - 249$ في الليلة

Gefinor Rotana – Beirut

العنوان: شارع كليمنصو، 1103
التليفون : 888 371 1 961+

Royal Tulip Achrafieh

العنوان: الأشرفية، شارع ألفرد نقاش، 5519 
التليفون: 048 333 1 961+
الإيميل: info@royaltulipachrafieh.com

The Key Beirut

العنوان: محافظة قصر العدل، Corniche du Fleuve، الأشرفية، 167058 
التليفون:247 424 1 961+

Citea Apart Hotel

العنوان: الأشرفية، شارع ألفرد نقاش، 1100
التليفون: 050 332 1 961+
الإيميل: info@citea.com.lb

The Smallville Hotel

العنوان:شارع دمشق، محافظة المتحف، بدارو، 116527 
التليفون: 110 444 1 961+

أكتر من $250 في الليلة

 

Albergo Hotel

العنوان:137 شارع عبد الوهاب الإنجليزي
التليفون: 797 339 2 961+
لإيميل: albergo@relaischateaux.com

Loft 29 Residence

العنوان:شارع عمر ابن عبد العزيز، 2034 1111
التليفون: 544 744 1 961+
الإيميل: reservations@loft29residence.com

Four Seasons Hotel Beirut

العنوان:شارع البروفيسور وفيق سنو، ميناء الحسن
التليفون: 000 761 1 961+

Le Gray

العنوان: محافظة وسط بيروت، 1103
التليفون: 111 971 1 961+
الإيميل: info@legray.com

InterContinental Le Vendôme Beirut

العنوان: عين المريسة، 6105
التليفون: 280 369 1 961+

الهوستيلز وبيوت الضيوف

من 0 - 70$ في الليلة

Hostel Beirut 

العنوان: شارع 56، رقم 11، مبنى أكرم العيد، الدور الأخير، جعيتاوي
الإيميل:hostelbeirut@gmail.com

Saifi Urban Gardens

العنوان: شارع باستور، ورا محطة غاز Coral
التليفون: 509 562 1 961+
الإيميل: hello@saifigardens.com

Damask Rose, Lebanese Guest House

العنوان: 300 متر من مسرح الموسيقى لجامعة NDU زوك مصبح (الجامعة القديمة)، 0036 شارع الشاوية، جونيه
التليفون: 203 710 3 961+
الإيميل: booking@damaskroselebaneseguesthouse.com

Old Souk Guest House

العنوان: مركزالسوق القديم، 1200 جونيه

*الأرقام دي محسوبة على إقامة شخص واحد في أزحم وقت في الموسم.

 

أعمل ايه في البلد؟ سيب نفسك لبيروت
أحلى حاجة في بيروت إنها فعلًا مناسبة لكل الأذواق والمزاجات. لو بتحب التاريخ مش هتلاقي طريقة أحلى من المتاحف تتعرف بيها على تاريخ لبنان المختلف
10 متاحف لازم تزورهم وأنت في بيروت

ولو دماغك مايلة أكتر للفن والمزيكا، هتلاقي في بيروت معارض فنية كتير، ومزيكا متنوعة وجميلة ومهرجانات لكل نوع مزيكا، وهتلاقي كمان أوركسترا من الأقوى في المنطقة.
8 أماكن تسمع فيهم مزيكا لايف في بيروت
15 مهرجان مزيكا في لبنان


لو بتحب النبيذ وصاحب كأس، بيتعمل في بيروت رحلات تذوق للنبيذ واستكشاف صناعته وتاريخه في لبنان، بس لو حابب أكتر البارات والسهر، مش هتلاقي أكتر من ده في بيروت بالليل.
8 أماكن هتحب تسهر فيها في بيروت
 غير كل ده، بيروت فيها طبيعة جميلة ومناظر هتعلّم معاك لفترة طويلة زي مغارة جعيتا وصخور الروشة.


لقد وقعنا في الفخ
مزار سيدة لبنان
المصدر: Worldpriest

ده واحد من أشهر الأماكن السياحية في بيروت، وهتلاقيه غرب طريق الأتوستراد في جونيه، بس المكان ده مقلب شوية. المزار مفيهوش حاجة مميزة ومش زي ما ناس كتير بتفتكر، هو ببساطة تمثال للعذراء مريم على منصة خشب وبتتطلع للتمثال بسلم لولبي، بس كده. مفيش حاجة جديدة يعني في التجربة وممكن تزور حتة زي كاتدرائية القديس بولس اللي معمارها أحلى بكتير، ومكانها قريب من مزار سيدة لبنان.

بيروت بسعر التكلفة

مش كل الناس اللي بتسافر معاها فلوس كتير، علشان كده في أماكن وحاجات كتير حلوة في بيروت مش هتضطر تبيع كلية علشان تزورها/تعملها.
١٢ حاجة ممكن تعملها في بيروت من غير ما تبيع كليتك

فن، وثقافة، وتاريخ

لو إنت من الناس اللي بتحب الفن، والثقافة، والتاريخ، بيروت فيها كتير من ده كله. هتلاقي متاحف من كل شكل ومهرجانات موسيقى لكل نوع، غير الأماكن اللي ممكن تسمع فيها مزيكا لايف. بيروت بيتعمل فيها مهرجان بيروت الدولي السينمائي في أكتوبر وبيتعرض فيه أفلام عربي وفرنساوي من الشرق الأوسط. وبرضه فيه مهرجان Festival du Cinéma Francophone بالفرنساوي كل مارس وأبريل اللي بيعرض أفلام ناطقة بالفرنساوي، دي شوية مهرجانات مسلية جدًا ممكن تحضرها.

حاجة شعبي

لو عايز تعيش عيشة أهل لبنان، ممكن تتمشى أو تجري أو تركب عجل علشان تستكشف شوارع بيروت، وتتكلم مع الغرباء وتتعرف عليهم وتنبسط بجو لبنان الجميل. بعد كده ممكن بالليل تروح تقضيها بالليل في أي بار أو نادي ليلي. ممكن تاخد بعضك في يوم الصبح وتروح تشوف الغروب عند صخور الروشة الجميلة، لو عايز منظر أحلى كمان ممكن تاخد Beirut Balloon وتشوف بيروت من على ارتفاع 300 متر - تروح هناك بإنك تطلع على شارع اللنبي وتخش من مركز مؤتمرات Biel.

لو بتحب الشوبينج وعايز تقضي يوم زي ما تكون ثري عربي، بيروت من أكبر مناطق الشوبينج في المنطقة، ومليانة مولات ومحلات لبراندات عالمية ومحلية. في أماكن تانية كتير غير أسواق بيروت في وسط بيروت زي

1- وسط بيروت 
2- شارع الحمرا
3- شارع مار إلياس
4- شارع فردان
5- ABC مول الأشرفية
6- بيروت مول في الطيونة
7- ABC Beauté في باب إدريس
8- سيتي مول

الطبيعة
المصدر: Commons Wikimedia

بيروت مليانة مناظر طبيعية وحدائق وجناين، وكفاية أصلًا منظر المياة وإنت بتتمشى على الكورنيش.

على الشاطىء

بيروت في حواليها شواطىء كتير جميلة ونوادي على الشواطىء دي ممكن تقضي فيها يوم لطيف. ممكن تروح لواحد من النوادي الخاصة دي أو تروح لشاطىء عمومي زي شاطىء رملة بيضاء وتاخد تان زي الفنان اللي لونه برونزي. البنات اللي عايزين شاطىء خاص هيضطروا يرواحوا تحت شوية ل Palms Resort أو Costa Brava في خلدة، أو Bellevue في الجية. ممكن برضه تروح تجرب الغوص في بيروت وتستكشف الأعماق وحطام السفن اللي مدفونة في البحر. لبنان فيها أكتر من 25 مركز غوص على الساحل بس ممكن تجرب مع Calypso Beirut Diving Club في Movenpick Hotel في الروشة، أو المعهد القومي للغوص في ميناء الحسن.

الحدائق والجناين

عايز تفضي دماغك وإنت في بيروت؟ ممكن تروح تقضي يومك في جنينة أو حديقة وتستمتع بالخضار والطبيعة. 

1- حديقة الكنيسة الإنجيلية الوطنية في بيروت
2- حديقة عبد الرحمن الحوت
3- حديقة جبران خليل جبران
4- حديقة ميدان الباشورة
5- حديقة حوض الولاية
6- حديقة وليد عيدو
7- حديقة Metropol Elias Audi 
8- حديقة سانت نيكولاس 
9- حديقة اليسوعيين 
10- حديقة وليم حاوي 
11- حديقة كارانتينا 
12- حديقة حرش تابت 
13- حديقة الأطفال 
14- حرش بيروت بارك 
15- حديقة السيوفي 
16- حديقة المتحف

بيروت بالليل

الدنيا بالليل في بيروت مفيش زيها في أي حتة في المنطقة، مش هتلاقي شارع في المدينة مفيهوش ناس سهرانة وبتفرفش في بارات بيروت، أو النوادي الليلية، أو الأماكن اللي فيها مزيكا لايف، أيًا كان ذوقك ودماغك، هتلاقي حاجة هتعجبك وتقضي ليلتك في بيروت.

 

 

أكل فين؟ الأكل المحلي وتلاقيه فين

الأكل اللبناني مختلف عن كتير من المطبخ الشرقي، هتلاقيه مزيج بين الأكل العربي والتركي وأكل دول البحر المتوسط، و في اختيارات كتير اوي ممكن تختار منها، غير إنه صحي ومفيهوش عك كتير، وكتير منه نباتي، خصوصًا المزة، دي أشهر حاجة في المطبخ اللبناني وعبارة عن مجموعة من المقبلات فيها أنواع كتير اوي زي التبولة، والفتوش، والحمص، والمتبل، والمحمرة، والسمبوسك، زائد ورق العنب المحشي، وطبعًا عيش البيتا اللبناني اللي هتلاقيه بينزل مع كل وجبة لبنانية.

أكل الشارع كمان في لبنان تجربة في حد ذاته، مع إن بيروت مفيهاش عربيات أكل كتير في الشارع علشان الشوارع ضيقة ودايمًا زحمة، بس ده ميمنعش إنك هتلاقي بتاع فلافل هنا ولا بتاع مناقيش هناك، وهتنبسط!
عالفطار ممكن تنزل تدور على أقرب مخبز وتجيبلك منقوشة وهي سخنة، الفطار اللبناني التقليدي. لو عايز فطار مسكّر شوية ممكن تروح لأي واحد بتاع حلويات وتضرب كنافة. طب والغداء؟ عمرك ما هتتسوح لو رحت لأكلة تقليدية زي الشاورما ولا الفلافل، اللي هتلاقيهم كتير في الشارع.

طب تاكل الأكل اللبناني ده فين في بيروت؟ مش هتغلب إنك تلاقي أكلة لبناني أصيلة وإنت في بيروت، بس دول اللي دايمًا أساميهم بتتقال:

1- عبد الوهاب: ده واحد من أحلى مطاعم بيروت وهتحس فيه بالضيافة اللبناني، ويعتبر علامة في الأكل اللبناني وبيقدموا كمان وجبات بيتي مش هتلاقيها في أي حتة.
العنوان: شارع عبد الوهاب الإنجليزي، الأشرفية.

2- كبابجي: مطعم مشهور بطريقة طبخه للحوم، وإن أكله صحي وليه فروع كتير.
العنوان: فروع كتير.

4- زعتر وزيت: المحل ده معمول للنباتيين وليه فروع كتير في المنطقة، ومعروف بأكله الحلو في أخر 20 سنة.
العنوان: شارع بلس- بيروت.

6- أم شريف: المكان شبه القصر وديكورة فخم وأثري، واسم أم شريف علامة مميزة لبيروت، هتلاقي في المكان كل أنواع الأكل المحلي والعالمي
العنوان: الأشرفية

7- بابل باي: الأكل البحري على الطريقة اللبنانية.
العنوان: بيروت مارينا، زيتونة باي.

8- Centrale: بيقدم أكل فرنسي، عندهم مجموعة نبيذ جميلة، وممكن تستمتع بكل ده في قعدة على السطح أو تحت في التكييف.
العنوان: شارع مار مارون.

9- Onno Bistro: متخصص في الأكل الشرقي واللبناني.
العنوان: شارع بدارو، برج حمود، الحمرا.

10- مايريج: عندهم قايمة كبيرة من أصناف الأكل، سواء المحلية أو العالمية، وبيقدم ده في أجواء مريحة للأعصاب.
العنوان: 282 شارع باستور، بيروت..

12- Liza: مطعم أنيق وحديث، وتقدر تجرب أنواع الأطباق المختلفة فيه
العنوان: طرابود، الأشرفية

 

 

 

 

برا بيروت: رحلات صدة ردة من بيروت

ايه اللي يخليك تقعد في مكان واحد بس وإنت ممكن تستكشف أماكن تانية حلوة حول بيروت؟ في أكتر من 10 أماكن ممكن تزورها في رحلة صدة ردة وإنت في بيروت والأماكن دي مناسبة للعائلة جدًا كمان، زي معابد أثرية ومدن مائية وحاجات تانية كتير.

 

 

بيروت تنفع لدول ولا لأ؟: العائلة، البنات، والحيوانات

البنات
عادي جدًا إن واحدة تسافر لوحدها بيروت وهتلاقي أهل بيروت بيرحبوا بيها جدًا لإن الناس هناك متعودين على البنات اللي بتسافر لوحدها، والشعب اللبناني مضياف ومحترم بطبعه وهيساعدوا ويتعرفوا عليكي ويقولوا لك تتحركي ازاي في المدينة. بالنسبة للبس، البسي براحتك. واعرفي برضه إن في مناطق في بيروت محافظة شوية عن غيرها فا يفضل يبقى اللبس محافظ شوية، بالأخص في الأماكن الدينية كمان. وزي أي مدينة كبيرةـ خدي بالك من نفسك بالليل وبلاش تركبي السيرفيس.

العاثلات
بيروت مدينة مناسبة جدًا للشباب ومحبي الهلس آه بس برضه تنفع جدًا للعائلات، وفي حاجات كتير ممكن تعملها مع عائلتك علشان تقضوا وقت حلو في بيروت، مهرجانات أفلام وموسيقى، ومتاحف، ورحلات صدة ردة من بيروت، وشوبينج، وحاجات كتير ممكن عائلة تعملها في بيروت مع عائلتك. ولو عايز نشاط في الهواء شوية ممكن تروح الحدائق والجنائن أو الشواطىء الكتير الموجودة.

الكلاب والقطط

عامةً بيروت مناسبة جدًا للكلاب والقطط، وممكن تاخدهم معاك وتتمشى في حتت كتير، بس لو نفسك تقعد تشرب حاجة أو تاكل، في مطاعم وبارات كتير ينفع تاخد كلبك أو قطتك ليهم.

 

 

أصلي فين؟: العبادة في بيروت

لبنان بلد متنوع جدًا دينيًا، وفيها أكتر من 20 ديانة وطائفة. نص السكان مسلمين، السنة في الشمال، والشيعة في الجنوب. المسيحيين الموارنة في غرب البلد، منتشرين على طول ساحل لبنان، وهما الأغلب في كتلة المسيحيين، وفي كمان الأرثوذكس والكاثوليك الأرمن. وفي يهود وهندوس وبوذيين بس عدد قليل من السكان. المدينة مليانة كنائس ومساجد ومعابد، بس في شوية أشهر من الباقي.

مسجد الأوزاعي

المصدر: Lebanon Mosques
الفقيه الإمام الأوزاعي عاش واتولد في لبنان، في منطقة قريبة من المسجد، ولما مات دفن جنب الحيطة الجنوبية للمسجد وبقى اسمه مسجد الأوزاعي. المسجد اتبنى في العصر العباسي، ويعتبر واحد من أقدم مساجد بيروت.

العنوان: برج البراجنة، شارع الأوتوستراد.

المسجد العمري الكبير

المصدر: Islamosfera

المسجد ده بيحكي تاريخ بيروت المتقلب في وبيمثله. في الأول كان معبد روماني وثني في القرن الـ3 الميلادي، وبعدها بقى كنيسة يوحنا المعمدان في فترة الحروب الصليبية، لغاية ما اتحول لمسجد بعد انتصار صلاح الدين، مش بس كده، المسجد اتدمر في الحرب الأهلية واتجدد في 2004، والعمارة في المسجد بتعكس الأزمنة التلاتة اللي مرت على المكان.

العنوان: شارع ويغان، وسط بيروت.

مسجد محمد الأمين

المصدر: Travel Notes
من أجمل مساجد بيروت وأكبرها، مسجد محمد الأمين كان زاوية صوفي للشيخ أبو النصر، ومعروف كمان بالمسجد الأزرق بسبب معماره المميز.

العنوان: ساحة الشهداء، وسط بيروت.

كاتدرائية مار جاورجيوس

المصدر: Travel Notes
دي واحدة من أقدم الكنائس في بيروت، وكانت معبد وثني، وفي القرن الخامس بقت كنيسة مارونية.

العنوان: شارع غورو.

مار مارون

المصدر: 4b Architects
الكنيسة دي اتعملت في القرن ال19 باسم القديس مارون، وهو راهب مسيحي عاش في القرن الرابع الميلادي، وبيعتبره الموارنة رسول الظائفة. الكنيسة دي معروفة بمعمارها الجميل وشبابيكها الملونة.

العنوان: شاارع مار مارون، متفرع من جورج حداد، الجميزة.

في برضه كنيس ماغين أبراهام، المعبد اليهودي الوحيد في بيروت، وده اتبنى في 1925 بس من 2017 مبقاش مفتوح للعامة.

 

 

الصحة والأمان في بيروت

بصفة عامة، بيروت مدينة آمنة، بس زي أي مدينة كبرى في العالم، ممكن تتلط في أي مشكلة عادي، علشان كده من المفيد إن يبقى معاك أرقام الطوارىء علشان لو لا قدر الله حاجة حصلت:

قوات الأمن العام، عدلية، بيروت: 9611425610+
قوات الأمن الداخلي: 9611425650+
وزارة الخارجية: 9611333100+
المطافي: 175 أو 9611445000+
الشرطة (العمليات): 112
الصليب الأحمر اللبناني: 140 أو 9615924017/18/20+ أو 9611322986+
الإسعاف: 386675/6 (01) و 863299 (01)

في شوية تطعيمات منظمة الوقاية من الأمراض بتنصح بيها لو مسافر لبنان، ممكن تاخدها قبل ما تسافر كإحتياط.

 

 

البنوك والATMs

بيروت سهل تستعمل فيها الكريديت كارد، بس اعمل حسابك في كاش علشان وارد جدًا متلاقيش مكن الكريديت كارد في المحلات الصغيرة. المحلات بتقبل دولار أو ليرة لبنانية، بس غالبًا الباقي بتاعك هيبقى بالليرة، اللي مش هتعرف تغيرها بره لبنان فا اصرفها كلها بقى.


- البنوك الأجنبية:

1- Citc bank
العنوان: الطابق الثالث- بلوك A- حدائق بيريتوس- شارع المنتزه- وسط بيروت- قطاع ميناء الحصن- بيروت.
ساعات العمل: من الاثنين- السبت. 8ص- 2م.

2- Arab bank
العنوان: ميدان رياض الصلح- شارع البنوك- مبنى البنك العربي
ساعات العمل: من الاثنين- السبت. 8ص- 1:30م.

3- Arab Finance House S.A.L
العنوان: بيروت- كورنيش المزرعة- شارع صائب سلام- برج بيت التمويل العربي
ساعات العمل: من الاثنين- السبت. 8:30ص- 3م.

4- Banque Misr Liban
العنوان: رياض الصلح- مبنى BML- وسط البلد- بيروت- لبنان
ساعات العمل: من الاثنين- السبت. 8:30ص- 2م.

5-  Banque Nationale de Paris
العنوان: جولة الغزال- شارع فؤاد شهاب- بلطاريس- بيروت

6- Lebanese Islamic Bank S.A.L
العنوان: الحمرا- شارع روما- مبنى برج الحرية- الطابق الأرضي- بيروت
ساعات العمل: من الاثنين- السبت. 8:30ص- 3م.

7- Syrian Lebanese Commercial Bank S.A.L
العنوان: شارع الحمرا- مقدسي- مبنى SLCB- بيروت
ساعات العمل: من الاثنين- الجمعة. 9ص- 8م.

8- National Bank of Kuwait (Lebanon) S.A.L
العنوان: شارع جوستينيان- قطاع الصنايع- بيروت
ساعات العمل: من الاثنين- الجمعة. 8:30ص- 1:30م.

- أهم البنوك المحلية في لبنان:

9- BLOM Bank S.A.L
العنوان: فردان- شارع رشيد كرامي- مبنى بنك لبنان والمهجر.
ساعات العمل: من الاثنين- الجمعة، 8:15ص- 5م. السبت من 8:15ص- 12:30م.

10- Bank Audi S.A.L
العنوان: شارع عمر الداعوق- باب ادريس- بيروت
ساعات العمل: من الاثنين- السبت. 8ص- 5م.

11- Byblos Bank S.A.L
العنوان: برج بنك بيبلوس- شارع إلياس سركيس- الأشرفية
ساعات العمل: من الاثنين- السبت. 8ص- 5:30م.

12- Bank of Beirut S.A.L
العنوان: شارع الأشرفية- مبنى جرين بارك.
ساعات العمل:
- من الاثنين- الجمعة.
العمليات المصرفية والصراف 8:30 ص- 3:30م.                        
القروض والاستفسارات المنتج 8:30ص- 5م.
-  يوم السبت
العمليات المصرفية والصراف 8:30ص- 12:00م.          
القروض والاستفسارات 8:30ص- 1م.

13- Bank of Beirut and Arab Countries S.A.L
العنوان: 250 شارع كليمنصو- مبنى BBAC- بيروت
ساعات العمل:
- من الاثنين- الجمعة. 8ص- 4 م.
- السبت 8ص- 1م.

14- Banque Libano-Française S.A.L
العنوان: شارع عكاوي- مبنى الدكتور صليبي
ساعات العمل:
- من الاثنين- الجمعة. 8ص- 2م.
- السبت 8ص- 1م.

15- Creditbank S.A.L
العنوان: مركز الطريق السريع- شارع سن الفيل- الدكوانة- الطابق الأول- الثامن- التاسع- الثالث عشر- الخامس عشر إلى التاسع عشر.
ساعات العمل: من الاثنين- السبت. 8ص- 2م.

16- Crédit Libanais S.A.L
العنوان: برج الاعتماد اللبناني- كورنيش النهر
ساعات العمل: من الاثنين- السبت. 8:15ص- 2م.

17- First National Bank S.A.L
العنوان: وسط بيروت- شارع اللنبي- بناية 147
ساعات العمل:
- من الاثنين- الجمعة. 8ص- 8 م.
- السبت 8ص-1م.

18- Fransabank S.A.L
العنوان: شارع الحمرا- رياض الصلح- بيروت 1107/2803
ساعات العمل: من الاثنين- السبت. 8:30ص- 2:30م.

19- IBL Bank S.A.L
العنوان: شارع شارل مالك- عمارة الاتحاد
ساعات العمل:
- من الاثنين- الجمعة. 8ص- 5م.
- السبت 8ص- 1م.

- بنوك تانية في لبنان:

20- Fenicia Bank S.A.L
21- Banque Pharaon & Chiha S.A.L
22- Société Bancaire du Liban S.A.L
23- Banque Libano-Francaise S.A.L
24- Banque libanaise pour le Commerce S.A.L
25- Banque de l'industrie et du travail S.A.L
26- Banque européenne pour le Moyen-Orient S.A.L
27- Banque de Crédit National S.A.L
28- Société Générale de Banque au Liban S.A.L
29- BSL Bank S.A.L
30- Al-Mawarid Bank S.A.L
31- Arab Investment Bank S.A.L
32- Bank Al Madina S.A.L
33- Banque de la Bekaa S.A.L
34- Banque de l’Habitat S.A.L
35- Banque Lati S.A.L
36- Lebanese Canadian Bank S.A.L
37- Lebanese Swiss Bank S.A.L
38- LIBANK (Levant Investment Bank) S.A.L
39- FFA Private Bank S.A.L
40- Finance Bank S.A.L
41- Federal Bank of Lebanon S.A.L
42- Middle East & Africa Bank S.A.L
43- Méditerranée Investment Bank S.A.L
44- Near East Commercial Bank S.A.L
45- Warka Bank for investment and finance S.A.L

46- CSCBank S.A.L

 

نصائح عن خبرة

- الشوارع زحمة في بيروت ويفضل تكون سايب وصيتك قبل ما تعدي الشارع، فا بص 8-10 مرات يمين وشمال وفوق وتحت قبل ما تعدي - طبعا المصريين ما بيفرقش معاهم الكلام ده وهيعدي وهو باصص في الموبايل أصلًا.

- لو الحتة اللي رايحها قريبة منك اتمشى أحسن، هتشوف حاجات كتير حلوة في سكتك وبسبب الزحمة غالبًا هتوصل أسرع على رجلك.

- نقطة مهمة، أيًا كان بتتحرك ازاي، لما تيجي تسأل عن مكان اسأل بحاجة مشهورة هناك مش اسم شارع، علشان أغلب الناس مش عارفة أسامي الشوارع بس عارفين الحتت المشهورة.

- لو عديت على نقطة تفتيش جيش متقلقش دي حاجة عادية ومش هيحصل أي حاجة طالما إنت سائح وملكش في البطيخ.

- اقرأ عن لبنان قبل ما تروح وافهم تاريخها، علشان هتلاقي هناك المناقشات كتير وسخنة وعن السياسة والدين، ومش هتبقى حاجة حلوة لو لبخت مع واحد من أهل البلد وإنت مش دريان.