share this article

مفيش دايرة صحاب مفيهاش على الأقل واحد راح دبي أو عزّل لهناك أصلًا، و كل شوية ينزل صورة حلوة للعيشة في دبي على السوشال ميديا مرة في بار ومرة في جميرا، ومرة وهو في مول أكبر من بلدك نفسها. ده ساعات بيخلي الواحد يحس أن دبي بتلم الناس اللي بتحب المنظرة والفشخرة والمظاهر. دبي مش مناسبة لأي حد، في ناس ببتشوفها مدينة مظاهر وبس، وفي ناس بتشوفها مدينة مزعجة ومجنونة. بس إنت لو بتحب المدن اللي زي لاس فيجاس، هتحب دبي كمان. المدينة دي معقدة كده وفيها الحاجة وعكسها وتناقضات غريبة جدًا، بس ده اللي بيخليها مدينة مثيرة للإهتمام اوي.

لو إنت فعلًا عايز تنبسط وتجرب حاجات جديدة، لازم تشيل أي أفكار إنت حاططها في دماغك عن دبي قبل ما تروح، وساعتها هتشوف إن دبي عندها حاجات كتير تقدمها، دي المدينة اللي اتحولت من صحراء لواحدة من أكبر مدن العالم وأكثرهم تطور، كل ده في خلال شوية سنين معدودة.

أحسن ناس: الناس والأماكن في دبي
مواصلاتك: تروح دبي وتتحرك جواها ازاي
قعدتك: ممكن تبيت فين في دبي
عندكوا إيه يتشاف هنا؟ سيب نفسك لدبي
تأكل إيه؟ الأكل المحلي وتلاقيه فين
سفرية صدة ردة: رحلات صدة ردة من دبي
دبي تنفع لدول ولا لأ؟: العائلة، البنات، والحيوانات

ربنا معاك: دورالعبادة في دبي
انت مش لوحدك: ارقام وأماكن الطوارئ في دبي

البنوك والATMs
نصائح عن خبرة 

 

 

الناس والأماكن في دبي

دبي تاني أكبر إمارة في الإمارات وتعتبر هي قلب وروح الدولة، جنب إنها مدينة زحمة وحية جدًا. حوالي 85% من سكان دبي أجانب، بالأخص من الهند، وباكستان، وبنجلادش، والفلبين، وبريطانيا، و15% بس إماراتيين. اللغة الرسمية في الإمارات هي العربية، بس ناس كتير بتتكلم وتفهم إنجليزي. في لغات تانية كتير بيتكلمها الأجانب المختلفين في البلد، زي الهندي، والفارسي، والصيني، واللغة الأردية، والبنغالية، والتاميلية، والتاغالوغية، و ماليالامية، و لغات تانية كتير، فا فرصك تتكلم بلغة بلدك حلوة في دبي.

دبي بلد متسامح جدًا وتعتبر المكان الوحيد في الشرق الأوسط اللي فيه كل الأديان دي بتُمارَس في حرية تامة، زي البوذية، والهندوسية، والسيخية، والإسلام السني والشيعي، و الجاينية. ده واحد من الأسباب اللي بتخلي دبي بلد مثير للإهتمام جدًا، إنها من المدن القليلة اوي في الشرق الأوسط اللي متاحة لأي حد – هتحس ده بليل والأغاني شغالة في البارات والنوادي الليلية جنب جرس الكنائس وأذان المساجد.

دبي جوها دافيء وكله شمس طول السنة، فا هتبقى لابس المايوة علطول. دي حتى دافئة في الشتاء، بس في الصيف ممكن الحرارة توصل ل40 درجة مئوية .

وفقًا للقانون، الرجالة والستات المفروض يلبسوا لبس محتشم نوعًا ما في الأماكن العامة – يغطي الركب والأكتاف – زي الأسواق، والسينما، والمحلات، والمولات، والمناطق العامة في الفنادق. بس في المباني الحكومية والمساجد لازم بيبقوا لابسين لبس محتشم. لبس السباحة مسموح بيه في حمامات السباحة والمنتجعات والشواطىء.

داون تاون دبي

دي فيها أكبر مول في العالم - مول دبي، وأطول مبنى في العالم –برج خليفة، وأطول هوتيل في العالم - JW Marriott Marquis. داون تاون دبي أكتر مكان حي في دبي، ومكان حلو جدًا تقضي فيه يوم مع عائلتك.

مدينة الإعلام

ده المكان اللي هتلاقي فيه مشاهير الإعلام وأصحاب دور النشر، علشان كده المكان هناك فيه أحلى مطاعم ومزيكا لايف، عشان يشجعوا العالم الأغنياء دي يبدعوا.

القوز

هتلاقي في القوز 20 صالة عرض فنية، وده المكان اللي لامم الفنانين بتوع دبي – زي وسط البلد كده عند المصريين.

شاطىء جميرا

فندق جميرا، فندق برج العرب، ومدينة الألعاب المائية وايلد وادي، دي شوية أماكن هتلاقيها على شاطيء جميرا، مع أماكن تانية كتير بطول الشاطىء. جميرا مكان مناسب جدًا للعائلة في الأيام الحر أو لو عايز تروح تعوم وتعمل شوبينج في نفس اليوم.

مرسى دبي

المرسى ممكن يبقى أحلى حتة في دبي، المباني والتصميم المعماري اللي قدام المياة بيخلوك تحس إنك في مدينة لوحدها على البحر. ممكن تقضي يوم لطيف وهادىء في مطعم بيبص على البحر.

أبراج بحيرات الجميرا

ده جزء كمان جميل في دبي، ممكن تحس فيه بإحساس المدينة بس من غير وجع الدماغ والزحمة، وتقضي يومك في الكافيهات والمطاعم الهادئة. المكان مناسب جدًا للعائلة وفي مناطق مخصصة للأطفال.

دبي القديمة

دبي القديمة هي الأماكن اللي على أي ناحية من خور دبي، زي ديرة اللي فيها أسواق الذهب والتوابل المشهورة، وبر دبي اللي فيه شوية مطاعم أكل شرقي عظيمة.

نخلة الجميرا

دي واحدة من أكبر الجزر الصناعية في العالم، وهتلاقي فيها فندق أطلانطس وفنادق تانية فخمة زي The Waldorf Astoria. الجزيرة دي كمان فيها شواطىء جميلة.

 

 

أتحرك ازاي؟

من المطار للمدينة

أنجزت رحلة الطيارة ووصلت مطار دبي الدولي، ازاي هتوصل بقى للمدينة؟ تقدر تطلب أوبر من المطار بس هتدفعلك فيها حوالي 20 دولار (لو مفيش surge) وده مش اختيارك الوحيد في مدينة شبكة مواصلاتها هي الأفضل في الشرق الأوسط.

Nol Card

قبل ما تبتدي تتحرك لدبي أو جواها، هتحتاج تطلع Nol Card – بطاقة بتدفع فيها مقدمًا ثمن إنك تستعمل باصات دبي ومترو الأنفاق، وأي مواصلات عامة ما عدا ال monorail. البطاقة دي مش هينفع تستعمل المترو أو الباص في دبي من غيرها. بس البطاقة ليها درجات، حكومة دبي بتنصح الزوار يشتروا البطاقة الفضية اللي ب25 درهم إماراتي وبتديك حق استعمال كل باصات ومترو المدينة، لو مش عايز تشتري النوع ده ممكن تعرف أكتر من على موقع هيئة النقل والمواصلات بتاعتهم –ممكن تشتري نوع أغلى، حسب استعمالك. ممكن تشتري البطاقة دي من أي محطة مترو في دبي – حتى اللي في المطار في صالة 3. في أجهزة بتبيع البطاقة في المطار في صالة 1، و2، و3 أو في المنطقة الحرة. لو عايز تعرف ايه أقرب نقطة ليك تشتري البطاقة، خش على موقع هيئة النقل والمواصلات.

الباص

مطار دبي بيعدي عليه باصات المدينة 24 ساعة كل يوم، وفي كذا خط ليهم. الأجرة بتفرق حسب رايح فين، بس لو مثلًا رايح وسط البلد، أجرتك غالبًا مش هتعدي 2 دولار. المشكلة الوحيدة إنك ممكن تضطر من 10 دقائق لنص ساعة قبل ما الباص يوصل، غير كده الباص وسيلة مريحة توصل ليها للمدينة. موقف الباص قدام صالة 1 و2 و3، ودي خطوط الباصات:

باص 401: المطار – DNATA Airline Centre – طريق آل المكتوم – محطة تاكسي الديرة – محطة باص السبخة.

باص 402: المطار – مركز مدينة الديرة – الكرامة –  Golden Sands –  المنخول – محطة باص الغبيبة.

الطرق الليلية: المطار – محطة باص الراشدية – محطة باص الغبيبة –  محطة باص اﻟﻘﺼﻴﺺ – محطة قطر المنطقة الحرة لجبل علي – محطة قطر السوق الذهبي – محطة قطر السطوة.

مترو مطار دبي

مترو دبي حل عملي وسريع توصل بيه المدينة من المطار. بس مش هينفع تستعمله غير لو وصلت الصبح، علشان بيقفل بليل. الأجرة بتفرق على حسب رايح فين، بس في المتوسط الرحلة بتتكلف 1.6 دولار للراكب. مترو دبي حاليًا شغال على خطين: الأحمر والأخضر – وده اللي هتاخده لو إنت رايح وسط البلد.

هتحتاج تعمل حسابك على 5-7 دقائق إنتظار ومتنساش إن المترو مش شغال 24 ساعة زي الباص. ساعات العمل: من السبت للأربعاء 5:30 ص – 12 ص. الخميس: 5:30 ص – 1 ص. الجمعة  10 ص – 1 ص.
حاجة كمان تعمل حسابك عليها، مترو دبي بيسمح بشنطتين للراكب، فا لو معاك شنط كتير مش هينفع تاخد المترو. محطات مترو دبي موجودين في صالة 1 و3.

تأجير العربيات

مسموح لزوار دبي يسوقوا عربيات بشرط إنهم يكون معاهم رخصة دولية. علشان تأجر عربية هتحتاج رخصة صالحة وجواز سفرك وكريديت كارد. حاول تحجز عربيتك اونلاين من بدري عشان متلبسش في زيادات الأسعار. لو معرفتش مش مشكلة، ممكن تأجر عربية من المطار. هتلاقي مكاتب تأجير العربيات في صالة 1 و2 و3، وممكن تختار من كذا شركة زي Hertz و Sixtو Alamoو Dollarو Thriftyو Avis و Budget. ممكن كمان تستعمل ألبيكشنز زي UDrive  وekar اللي بتدفع فيها وإنت ماشي.

التاكسي

التاكسي موجود ومتوافرطول اليوم في كل صالة، امشي بس ورا الإشارات وانده على التاكسي زي ما تكون في بلدكم.

التنقل في دبي

لو أجرت عربية من المطار تبقى العملية خلصت بالنسبة لك، بس خلى موبايلك مشحون علشان إنت ممكن تتوه في بلدك أصلًا، ما بالك بدبي – هتحتاجGoogle maps  يعني.ممكن برضه تستعمل أوبر في دبي لو إنت معاك فلوس. وطبعًا ممكن تقضي تحركاتك كلها مع مواصلات دبي المتطورة جدًا – ده لو معاك ال  Nol card متشغلة وجاهزة طبعًا.

الباصات

شبكة باصات دبي كويسة جدًا وبتغطي معظم المدينة، فا إنك تلاقي واحد يوصلك المكان اللي عايزه مش هتبقى مشكلة. مؤخرا هيئة النقل والمواصلات عملوا أبليكشن Wojhati بيساعدك تحدد رحلتك وتشوف أقرب محطة باص جنبك، الأبليكشن ده هينفعك جدًا لو هتحتاج أكتر من باص علشان توصل المكان اللي إنت عايزه. ممكن تشوف خطوط باصات هيئة النقل والمواصلات علشان متبقاش تايه، ومتنساش إنك محتاج ال Nol card علشان تدفع بيها.

المترو

المترو موضوعه مختلف شوية، شبكة المترو لسة بتتطور وتتوسع علشان تشمل مناطق أكتر. بس الخطين اللي شغالين دلوقتي – الأحمر والأخضر – بيغطوا المناطق الرئيسية في دبي زي برج خليفة، ومعظم المناطق اللي عليها حركة كتير في دبي – وشغالين دلوقتي على 3 خطوط جداد. لو إنت رايح حتة معينة والمترو ينفع ياخدك نص الطريق بص، الباص ممكن ياخدك النص التاني بفضل الخريطة اللي هيئة النقل والمواصلات عاملاها اللي بتوضح بالتفصيل شبكة مواصلات دبي بكل مواصلاتها المختلفة.

التاكسي

مقارنة بمدن تانية في العالم، التاكسي في دبي مش غالي اوي. التاكسي في دبي متنظم من هيئة النقل والمواصلات ومتوفر 24 ساعة في اليوم، وبيقبل كريدت كارد وكل أنواع البطاقات البنكية و Nol card، وكاش طبعًا. هيئة النقل والمواصلات عملوا كمان أبليكشن تاكسي خاص بيهم اسمه RTA Smart Taxi وده بيستعمل ال GPSعلشان يحدد ويوصلك بالسواقين.

عبرة

دي أكتر وسيلة مواصلات ممتعة في دبي، بس ليها حدودها في الحركية. العبرة في دبي بتتحرك بس في حدود خور دبي اللي مساحته 10 متر، بس ده ميمنعش إن ركوب العبرة تجربة مسلية وناس كتير بتركبها للمتعة مش أكتر. العبرة بتجيب منظر جميل للمدينة وموفرة للفلوس والوقت – 1 درهم إماراتي للراكب في الرحلة أو 2 لو المركب مكيف، و في مراكب بموتور وفي عادية. ممكن تركب العبرة من 6 ص – 12 ص من محطة عبرة بور دبي لمحطة سوق الديرة القديم رايح جاي، أو من السوق القديم لمحطة السبخة – رايح جاي برضه.

التاكسي المائي

دي كمان طريقة مسلية للتنقل، وعكس العبرة التاكسي المائي مش محدود بس في الخور، وبيغطي مساحة أوسع شوية ومحطات في الخليج العربي، مع أكتر من 32 محطة. التاكسي المائي برضه تبع هيئة النقل والمواصلات وزي ما يكون قارب سريع، بس سعره مش رخيص ومش هينفعك لو إنت ميزانيتك محدودة. الأجرة بتختلف على حسب رايح فين وتقدر تحجز من موقع هيئة النقل والمواصلات.

الترام

ده ابتدى في 2014 ويعتبر جديد في دبي، بس جزء من شبكة مواصلات دبي ومتوصل بمحطة المترو. الترام بيغطي شاطىء جميرا، ومرسى دبي، وشارع الصفوح، وفي مناطق تانية شغالين عليها. الترام شغال من 6:30 ص – 1:30 ص من الجمعة للسبت، و 9 ص – 1:30 ص يوم الجمعة.

 

 

أبات فين؟

الإقامة في دبي مش أبسط حاجة في الدنيا، آه المدينة فيها شوية من أحلى وأفخم الفنادق في العالم، بس غالبًا هتكع كتير. الإقامة في دبي غالية جدًا، غير بقى لو هتقضيها couchsurfing  أو Airbnb. ممكن برضه تقعد في هوستيل وتوفر.

الفنادق

من 200 درهم – 400 درهم في الليلة

Benta Grand Hotel
المصدر Booking.com

العنوان: المطينة، الديرة
التليفون: 97142713232+
الإيميل: benta@mehgroupdxb.com

Al Jawhara Metro Hotel
المصدر Halal Reisen

العنوان: شارع 19 A،  الرقة، الديرة، شارع مستشفى آل مكتوم
التليفون: 97142223141+
الإيميل: metro@aljawharahotel.com

Howard Johnson Dubai
المصدر Book Dubai

العنوان: شارع خالد بن الوليد، بور دبي
التليفون: 97143939911+
الإيميل: hojoburdubai@eim.ae

Claridge Hotel
المصدر Booking.com

العنوان: شارع عمر بن الخطاب، Fish Roundabout، المطينة
التليفون: 97142716666+
الإيميل: claridge@mehgroupdxb.com


Fortune Plaza
المصدر Agoda

العنوان: طريق النهضة، اﻟﻘﺼﻴﺺ 2
التليفون: 97142635500+
الإيميل plaza@fortunehotels.ae

من 400 درهم – 650 درهم في الليلة

Premier Inn Dubai Silicon Oasis
المصدر Visit Dubai

العنوان: طريق الشيخ محمد بن زايد
التليفون: 97143821555+
الإيميل: reservations.dso@mena.premierinn.com

Carlton Tower Hotel
المصدر Booking.com

العنوان: طريق بني ياس، قرب أبراج الديرة، الديرة
التليفون: 9712920000+
الإيميل: fandb@carltontower.net

Mark Inn Deira
المصدر Booking.com

العنوان: محطة مترو بني ياس، خلف جراج خانصاحب، طريق مستشفى مكتوم، 22363 
التليفون: 97142211622+
الإيميل: resv@markinnhotel.ae

Element Me’aisam Dubai by Westin
المصدر Agoda

العنوان: مدينة إنتاج دبي 
التليفون: 97142487777+

Somewhere Hotel Tecom
المصدر Booking.com

العنوان: ميناء سعيد، الديرة 
التليفون: 97142068600+
الإيميل: customerservice@somewhere-hotels.com

من 650 درهم – 900 درهم في الليلة

Roda Links Al Nasr
المصدر Booking.com

العنوان: شارع 10،  عود ميثاء، بور دبي
التليفون: 6666 777 4 971+
الإيميل: links.alnasr@roda-hotels.com

Ghaya Grand Hotel
المصدر Booking.com

العنوان: طريق الفاي
التليفون: 3300 429 2 971+
الإيميل: info@ghayagrandhotel.com

J5 Hotel Port Saeed
المصدر Booking.com

العنوان: طريق القرهود
التليفون: 9714290300+
الإيميل: admin.ps@j5hotels.com

Premier Inn Dubai Ibn Battuta Mall
المصدر Booking.com

العنوان: مول ابن بطوطة، طريق الشيخ زايد
التليفون: 2222 278 4 971+
الإيميل: reservations.ibm@mena.premierinn.com

Zabeel House Mini Al Seef by Jumeirah
المصدر Booking.com

العنوان: السيف، خور دبي
التليفون:7077077 4 971+
الإيميل: reservations@zabeelhouse.com

فوق 900 درهم في الليلة

MENA Plaza Hotel Al Barsha
المصدر Booking.com

العنوان: شارع دبي، البرشاء
التليفون: 7744 347 4 971+
الإيميل: info@menaplazabarsha.com

Aloft City Centre Deira Dubai
المصدر Booking.com  

العنوان: شارع بني ياس، الديرة شارع 8، الديرة
التليفون: 3333 210 4 971+
الإيميل: http://aloftcitycentredeira.com 

Raffles Dubai
المصدر Booking.com

العنوان: شارع 13، شارع الشيخ راشد، مدينة وافي
التليفون: 8888 324 4 971+

Sheraton Mall of the Emirates Hotel
المصدر Booking.com

العنوان: مول الإمارات، شارع الشيخ زايد
التليفون2000 377 4 971+

Renaissance Downtown Hotel Dubai
المصدر Booking.com

العنوان: Marasi Drive Box 191984
التليفون: 5555 512 4 971+

 الهوستليز وبيوت الضيوف

من 80 درهم – 195 درهم في الليلة

 The Top O1NE
المصدر Booking.com

العنوان: شارع الشيخ زايد، مرتفعات البرشاء، برج كابيتول، الدور 7، شقة 701

At the Top Hostel  
المصدر Agoda

العنوان: Elite Residence، شقة 6601، شارع الملك سلمان بن عبد العزيز آل سعود
التليفون: +971 56 647 2024
الإيميل: topdubaihostel@gmail.com

Dubai Youth Hostel

المصدر Booking.com

العنوان:39 شارع النهضة، القصيص
التليفون: 8151 298 4 971+
الإيميل: uaeyha@emirates.net.ae

Backpackers Inn
المصدر Booking.com

العنوان:شارع الرجا، غرفة 402

فوق 500 درهم في الليلة


Lumbini Dream Garden Guesthouse
المصدر Booking

العنوان: 11 شارع السوق
التليفون: 4115 339 4 971+

Barjeel Heritage Guesthouse
المصدر Booking.com

العنوان: موازي لقرية التراث، الغبيبة
التليفون: 4424 354 4 971+

Ahmedia Heritage Guesthouse  

المصدر Booking.com

العنوان: الراس، قرب السوق الذهبي
التليفون: 0085 225 4 971+

Orient Guesthouse
المصدر Booking.com

العنوان: البستكية، شارع الفهيدي
التليفون: 4448 353 4 971+

*الأرقام دي محسوبة على إقامة شخص واحد في أزحم وقت في الموسم.

 

 

أعمل ايه في البلد؟ سيب نفسك لدبي

دبي مدينة الأحلام، هتلاقي فيها كل اللي نفسك تعمله وأكتر – أي نعم هتدفع دم قلبك بس إنت اللي رايح برجلك – برج خليفة والنوافير الراقصة والجزر الصناعية ومليون حاجة تانية، مش هتعجز تلاقي حاجة تعملها.

فن، وثقافة، وتاريخ

لو بصيت من بره، دبي هتبان مدينة الشوبينج، والفلوس الكتير، والبارات، مش هتحس دبي عندها حاجة تقدمها من ناحية الفنون والثقافة. بس الواقع غير كده، لما تروح بنفسك هتكتشف إن دبي مركز مهم في المنطقة للفنون والثقافة.

المعارض الفنية

دبي بقالها فترة مهتمة بالفنون، وكل شوية معارض فنية بتفتح. لو إنت بتحب الفن هيعجبك منطقة العوز الصناعية اللي فيها أكتر تركيز على الفن في دبي. هتلاقي كل شوية افتتاح معرض هنا أو صالة فنية هناك، وتقدر تتابع كل ده عن طريق الأبليكشن اللي الحكومة عملته.

أهم حتة في الوسط الفني في دبي هو كومباوند السركال في منطقة العوز. الكومباوند ده فيه ستوديوهات فنية، وشغل فنانين، وكذا مساحة فنية من الأشهر في دبي معروض فيهم شغل فنانين صاعدين وفنانين معروفين من المنطقة والعالم. في مرة من المرات السركال استضاف عرض للراحلة زها حديد في ليلى هيلر جاليري.

الغريب إن مساحة فنية  كمان هي مركز دبي المالي العالمي، اللي بيستضيف معارض فنية كتير من كل نوع. من أشهر المعارض المحلية Cuadro Fine Art اللي بيركز على نشر الأعمال الفنية من المنطقة.

مركز كمان بيركز على شغل الفنانين المعاصرين من الشرق الأوسط وشمال أفريقيا هو معرض ميم في العوز، اللي شارك في تأسيسه سلطان سعود القاسمي. مركز ميم من أشهر المساحات الفنية في دبي وبيعتبر المرجع الأول للفن المعاصر من الشرق الأوسط. Tabari Artspace في مركز دبي المالي العالمي وAyyam Gallery - اللي ليه فروع في مركز دبي المالي العالمي والعوز – من المراكز اللي برضه بتركز على الفن في الشرق الأوسط.

لو عايز حاجة مختلفة شوية، ممكن تجرب The Opera Gallery في مركز دبي المالي العالمي. المركز ده ليه فروع في باريس، ولندن، وجنيف، وزيوريخ، وموناكو، ونيويورك، وميامي، وأسبن، وسنغافورة، وهونج كونج، وسيول، وبيروت. The Opera Gallery بيعرض أعمال فنية تقدر بملايين لفنانين زي Matisse، و Andy Warhol، و Monet، و Picasso، وكتير غيرهم.

مكان كمان يستاهل الزيارة هو the Empty Quarter، اللي بيركز بس على فن التصوير. حيطان المركز دايمًا متزينة بأعمال أشهر المصورين في العالم زي Al-Moutasim Al Maskery، وSteve McCurry، وBruno Barbey، وMarc Riboud.

المتحف والمواقع الأثرية

دبي مدينة المستقبل، دي حقيقة، بس مفيش مستقبل من غير ماضي، ودبي بتحتفى بالماضي بتاعها في كذا صورة. هتلاقي في المدينة متاحف كتير بتحتفل بتاريخ الإمارات والحقب المختلفة فيه، زي متحف دبي، اللي المعارض فيه بتوضح تحول دبي من قرية صيد – قبل اكتشاف البترول – للمدينة العملاقة اللي وصلتلها انهارده. حصن الفهيدي موجود في أقدم مبنى في دبي ومكان جميل جدًا.

في نفس الحي بتاع حصن الفهيدي، هتلاقي متحف القهوة، ومتحف الحصان ، ومتحف الجمل، ومتحف الشاعر العقيلي، ومتحف العملات اللي فيه مجموعة من أحلى مجموعات العالم للعملات من الشرق الأوسط وشمال أفريقيا.

التراث والتاريخ الإماراتي هتحسهم في حي شندغة جنب خور دبي دبي، اللي هتلاقي فيه بيت الشيخ سعيد آل مكتوم. البيت ده كان بتاع حاكم دبي – جد الحاكم الحالي – الشيخ محمد بن راشد، والبيت ده اللي اتعمل 1896 فيه مجموعة صور نادرة بتوضح تطور دبي في القرن العشرين، وهتلاقي كمان مجموعات طوابع وعملات قيمة.

على الناحية التانية من تاريخ دبي، هتلاقي قرية حتا اللي عمرها 2000 سنة، على أطراف دبي  جنب جبال حتا. القرية دي اتجددت سنة 2001 وبتستقبل زوار من ساعتها.

الموسيقى والترفيه

الاهتمام بالمزيكا في دبي كبير جدًا، والمدينة دي جمعت مواهب موسيقية  كتير من الشرق الأوسط والعالم. ما بين Dubai Opera House وDubai Music Hall وأماكن تانية كتير، دايمًا هتلاقي مزيكا حلوة في دبي. كمان بالليل المزيكا بتبقى في حتت كتير، ده غير مهرجانات الموسيقى اللي في البلد.

هتلاقي كمان في دبي سينمات في كل حته تقريبًا من أحدث اللي في العالم. دبي كمان فيها La Perle – أول عرض من نوعه في المنطقة – اللي عمله المخرج السابق في Cirque du Soleil ، Franco Dragone، ودي أحلى تجربة مسرح ممكن تجربها في دبي.

حاجة شعبي

غير السهر اللي في دبي والحياة الليلية، والشوبينج، في حاجات كتير تانية ممكن تتعمل في دبي، ودي شوية منها.

الملاهي

دبي من أشهر مدن العالم في الملاهي، وفيها مجموعة من أحلى مدن الملاهي في العالم زي Legoland Waterpark  و Aquaventure Waterpark و Aquaventure Waterpark.

شوبينج

حتى لو مش باقي معاك درهم، لازم تعمل شوبينج في دبي – لهذا خُلق الكريديت كارد. ممكن تجرب Gold Souk اللي معروف إن المجوهرات فيه أرخص من أي حته في العالم، و Spices Souk علشان تكمل تجربة الثري العربي بالروائح الحلوة. بعد كده ممكن تخش على المولات بقى زي Mall of the Emirates  و Dubai Marina Mall.

Skydiving

الشعب الإماراتي بيحب المغامرة وطبيعي تلاقي عندهم Skydiving. في ناس كتير لما بتسافر الإمارات بتاخد التجربة دي وبيعيشوا واحدة من أجمل لحظات حياتهم. ممكن تحجز مع Skydive Dubai، واحد من أشهر موفري الخدمة دي في دبي.

الطبيعة

السفاري

مينفعش تبقى في دبي ومتعملش سفاري، وهلاقيها تجربة ممتعة جدًا، بالذات لو جربتها وإنت راكب جمل. ممكن تجرب بالعجل و sandboard. بس في جميع الحالات متروحش لوحدك، خد معاك مرشد وهتلاقيهم كتير في دبي.

ركوب الأحصنة

ممكن تستكشف صحراء دبي وإنت على حصان وتعيش التجربة الصحراوية في دبي. The Emirates Equestrian Center  بينظم رحلات للصحراء للمتمرسين في ركوب الخيل. ولو إنت مش خبرة اوي، في كتير تانيين بينظموا رحلات للمبتدئين.

الصيد

دبي كانت مدينة معتمدة على الصيد زمان جدًا، وفي ناس لسه شغالة في ده دلوقتي. هتلاقي رحلات كتير بتنظم للصيد في الخليج العربي على بعد 45 ميل من الشاطىء، زي الرحلات اللي بتنظمها شركة Deep Sea Fishing Dubai.

 

 

 

 

 

 

 

 

دبي بالليل

لو ليك في السهر والرقص والإحتفال مش هتلاقي مكان أنسب من دبي بالليل، المدينة كلها بتسهر في نوادي ليلية وبارات كتير. لو لقيت نفسك فاضي بالليل في دبي، روح اسهر وعيش شبابك في أي واحد من البارات أو النوادي اللي فاتحه للصبح. 

 

 

أكل فين؟ الأكل المحلي وتلاقيه فين

سهل اوي الواحد ينسى يجرب ياكل أكل أهل البلد في مدينة عالمية زي دبي، كلها مطاعم من مطابخ مختلفة ومميزة برضه. بس الاكل الإمارتي حلو جدًا ويستاهل تجربه، زي الهريس – خلطة لحمة مع قمح مطبوخين سوا، والمكبوس اللي هو طبق رز بيتعمل مع سمك أو لحمة وبيحط عليه مجموعة توابل هتلاقيها في أي طبق إماراتي زي الكركم والقرفة والكزبرة والكمون. لحم الجمل برضه من الأكلات المشهورة في الإمارات، وممكن كمان تجرب النغر المشوي.

هتلاقي مطاعم كتير جدًا في دبي وكل واحد منهم مميز في حاجة، ودول شوية ممكن تجربهم.

مطعم أصيلة في فندق الراديسون بلو، خور الديرة في دبي

ده مطعم الأكل الإماراتي الوحيد في دبي اللي بيقدم كحول بطريقة مبتكرة وكوكتيلات جديدة. مطعم أصيلة معروف بأكله الإماراتي المعمول بطريقة جديدة وحلوة.

العنوان فندق الراديسون بلو، خور الديرة في دبي، طريق بني ياس
الاتجاهات
ساعات العمل: الغداء من 12:30 م إلى 4 م، والعشاء من 6:30 م إلى 11 م
رقم التليفون: 97142227171+/97142057033+
الويبسايتhttps://www.radissonblu.com/en/hotel-dubaideiracreek/restaurants#/aseelah 
الفيسبوك: Radisson Blu Hotel, Dubai Deira Creek
الإيميلbooking.diningdubaicreek@radissonblu.com
متوسط التكلفة: 280 درهم إماراتي لشخصين

الفنار

العنوان:  الدور الأرضي، Dubai Festival City Mall، قريب من  P.F. Chang's، ممشى القنال
الاتجاهات
ساعات العمل:
8:30 ص إلى 11:30 م
رقم التليفون:
97143442141+
فيسبوك: Al Fanar Restaurant & Cafe
 
الويبسايت:
http://alfanarrestaurant.com/en/
الإيميل: info@alfanarrestaurant.com
متوسط
التكلفة: 255 درهم إماراتي لشخصين

المطعم ده ليه فرعين، واحد في Festival City Mall والتاني في وسط جميرا. الفنار من أشهر مطاعم دبي ومعروف بالنغر المشوي ومكبوس الفراخ.

التواصل، الديرة

التواصل اتعمل سنة 1999 ويعتبر من أقدم مطاعم دبي، وبيمثل تاريخ دبي مش بس في الأكل، لا والديكور كمان.

العنوان:  162 شارع أبو بكر الصديق
الاتجاهات
رقم التليفون
97142959797+
فيسبوك: AlTawasol Restaurant
 
متوسط التكلفة: 70 درهم إماراتي لشخصين

 

Seven Sands at the Jumeirah Beach Residences

ده من أروش مطاعم دبي وبيجمع بين الجديد والقديم، والقعدة بره فيه بتبقى على البحر وهتخليك مش عايز تمشي. ممكن تجرب أطباق كتير هناك زي الجمبري والزعفران والليمون الحامض الجاف.

فرع مرسى دبي

العنوان:  الشاطىء، مرسى دبي، مكاني رقم 1145374508
الاتجاهات
ساعات العمل
: من الظهر إلى 1 ص الأحد للخميس، من 9 ص إلى 1 ص الجمعة والسبت
رقم التليفون:97145516652+
فيسبوك: Seven Sands
 
الويبسايت:
http://www.sevensandsrestaurant.com/en/pages/default
الإيميل: info@sevensandsrestaurant.com
متوسط التكلفة: 275 درهم إماراتي لشخصين

فرع متحف الإتحاد

العنوان:  متحف الإتحاد، مكاني رقم 40RCN2573692795
الاتجاهات
ساعات العمل
: من 10 ص إلى 8 م من الاحد للسبت
رقم التليفون97145155741+
فيسبوكSeven Sands
 
الويبسايت:
 http://www.sevensandsrestaurant.com/en/pages/default
الإيميل: info@sevensandsrestaurant.com
متوسط
 التكلفة: 275 درهم إماراتي لشخصين



رحلات صدة ردة من دبي

مسندم في عمان

مسندم من أحلى الأماكن في الشرق الأوسط وكلها جبال ومياة، وهتروحها بمركبة من مدينة خصب في عمان  وتستكشف الطبيعة هناك – هي على بعد 194 كم بس من دبي وممكن تاخدها صدة ردة.

العين

هتلاقي في العين تاني أطول جبل في الإمارات – جبل حفيت – وكمان أقدم متحف في الإمارات، متحف العين. المدينة دي مناسبة جدًا لأي حد بيحب الفن والثقافة.

الفجيرة

من أكتر الأماكن المسلية في الإمارات، الفجيرة فيها مسجد البدية – أقدم مسجد في الإمارات – وعمره راجع للقرن ال15. وهتلاقي كمان في الفجيرة شواطىء من أحلى ما يكون في الإمارات وحتت تعمل فيها غطس وسنوركلينج.

 

دبي تنفع لدول ولا لأ؟: العائلة، البنات، والحيوانات

البنات

بعيدًا عن شوية قيود بسيطة على اللبس، دبي مكان مناسب جدًا للبنات. وفقًا للقانون، الرجالة والستات المفروض يلبسوا لبس محتشم نوعًا ما في الأماكن العامة – يغطي الركب والأكتاف – زي الأسواق، والسينما، والمحلات، والمولات، والمناطق العامة في الفنادق. بس في المباني الحكومية والمساجد لازم بيبقوا لابسين لبس محتشم. لبس السباحة مسموح بيه في حمامات السباحة والمنتجعات والشواطىء، بس يفضل بره دول اللبس الاحتشام إلى حد ما.

القيود المفروضة على البنات في دبي ثقافية وإجتماعية، يعني لو خالفتي الكلام ده مش هيتقبض عليكي بس الناس هتبصلك باستغراب علشان لبسك مثلًا فيه عدم إحترام لثقافتهم وتراثهم. دبي أمان بنسبة كبيرة للبنات بس يفضل تبعدي عن بور دبي والديرة.

العائلات

المجتمعات العربية عامةً والإماراتي بالذات مناسبين جدًا للعائلة، علشان في المنطقة هنا بيهتموا بالقيم والعائلة. معظم الأماكن اللي ممكن تروحها فيها حتت مخصوصة للعب الأطفال، زي المولات، والفنادق، والمطاعم والكافيهات، والشواطىء. دبي فيها كمان أكتر من 13 مدينة ملاهي، فا مش هتغلب تلاقي حتة تفسح فيها عيالك. لو عايز تاخدهم حتة مسلية وفي نفس الوقت مفيدة ممكن تجرب Oli Oli، متحف أطفال تفاعلي ممكن يتعلموا فيه ويبدعوا ويشتغلوا حاجات فنية بإيدهم.

الكلاب والقطط

على الرغم من وجود ناس كتير مهتمة بحقوق الحيوان، بس دبي مش أنسب مكان لحيوانك الأليف. ومش هتعرف تاخد كلبك أو قطتك معاك في أماكن كتير، بس ممكن تروح مطاعم وكافيهات زي دول بيهم عادي:

 

Arrows and Sparrows, Greens
Irish Village, Garhoud
Breeze Beach Grill, Palm Jumeirah
Cycle Bistro, Dubai Motor City
Lime Tree Café, Sheikh Zayed Road/Al Quoz/JBR

 

  

أصلي فين؟ العبادة في دبي

دبي من المدن القليلة جدًا في الشرق الأوسط اللي حرية الأديان بتطبق بجد فيها، وكل واحد في حاله وملوش دعوة بدين التاني. هتلاقي كم أديان ومعتقدات في دبي مشفهمش في مكان واحد تاني في حياتك. آه 85% من أهل دبي مسلمين سنة والبافي شيعة، بس أصلًا 85% من اللي قاعدين في دبي أجانب! فا هتلاقي معابد بوذية وسيخ وجاينية وهندوسية، وكنائس مسيحية ومعابد يهودية. المساجد مش هتلاقي أكتر منها، والكنائس هتلاقيها كتير في جبل علي وعود ميثاء زي كنيسة ساينت ماري الكاثوليكية وكنيسة ساينت مينا الأرثوذكسية. هتلاقي كمان في جبل علي شوية من أقدم معابد دبي زي معبد Shiva and Krishna Mandir الهندوسي والمعبد الوحيد للسيخ في الشرق الأوسط Gurudwara Guru Nanak Darbar Sikh Temple.

 

 

الصحة والأمان في دبي

المنظومة الصحية في الإمارات من أكترهم تطور وقوة في الشرق الأوسط والعالم. أرقام الطوراىء في الإمارات 998 للصحة و999 للطوارىء، و997 للمطافي. دبي مدينة أمان بنسبة كبيرة بس لو حصل أي طوارىء روح لأقرب مستشفى أو اتصل ب9988 علشان الإسعاف يجيلك علطول. ممكن برضه تطلب دكتور للبيت على  800362867.

الخدمات الصحية في دبي متوفرة للمواطنين والأجانب، وهتلاقي مستشفيات حكومة وخاصة والأجانب ممكن يتعالجوا في الاتنين. دخول المرضى للمستشفيات بيبقى بفلوس لو في خدمات طبية تانية مطلوبة بعد استقرار الحالة – بتدفع كاش أو بتأمين صحي أو كريديت كارد. ممكن المستشفى تنقلك لمركز تاني لو مش جاهزين لإستقبال الحالة.

 

 

بنوك ايه موجودة في دبي؟

برضه النظام البنكي في الإمارات متطور جدًا وهتلاقي الدنيا مريحة جدًا في التعاملات المادية. صعب تلاقي مكان مفيهوش كريديت كارد – وممكن تدفع كاش طبعًا لو عايز. وممكن بسهولة تعرف أقرب ATM للفيزا أو الماستر كارد.

البنوك المحلية في دبي

Abu Dhabi Commercial Bank LTD
Arab Bank for Investment and Foreign Trade
Arab Emirates Investment Bank LTD
Bank of Sharjah
Commercial Bank International PLC
Commercial Bank of Dubai LTD
Dubai Islamic Bank
Emirates Bank International LTD
Emirates Industrial Bank
First Gulf Bank
Mashreq Bank
National Bank of Abu Dhabi
National Bank of Fujairah
Bank of Sharjah
Union National Bank
United Arab Bank

البنوك الأجنبية

ABN-Amro Bank
Al Ahli Bank of Kuwait
Anz Grindlays Bank
Arab African International Bank
Arab Bank PLC
Bank Melli Iran
Bank of Baroda
Bank Saderat Iran
Banque Indosuez
Banque Libanaise Pour Le Commerce
Banque du Caire
Banque Paribas
Barclays Bank PLC
Citibank N.A.
Habib Bank A.G. Zurich
Habib Bank Limited
HSBC
Janata Bank
Royal Bank of Canada
Societe Generale
Standard Chartered Bank
United Bank LTD

 

 

نصائح عن خبرة

متشربش كحول وتسوق في دبي، لو شربت بق واحد حتى وركبت وسقت دي جريمة كبيرة في دبي. اشرب براحتك بس متسوقش.

لو قعدت تصور كتير بالذات في المولات والمزارات ممكن يتقال لك تبطل تصوير. صور بكاميرا الموبايل أحسن من كاميرا محترفين.

هتلاقي أبليكشنز كتير زي Whatsapp و Facebook Messenger مقفولين في دبي، فا لو محتاج تكلم العائلة ضروري استعمل VPN. 

سافرت دبي وعارف دنيتها؟ شارك معانا خبرتك!