share this article

 السعودية بعد ما سمحت للستات السعوديات السفر بدون إذن وموافقة ولي الأمر، قررت قرار جديد بيدي للستات حقهم في إنهم ينزلوا في فنادق بدون محرم ! اتغيرنا خالص يا لينا فعلا.

السياحة في السعودية دلوقتي بقت من الألولويات، فالسعودية بتحاول مؤخرا جذب السياح الأجانب لقطاع السياحة فيها وهدفها جذب 100 ألف زائر سنويا على سنة 2030، فأعلنت عن إعفاء الأجانب إنهم يبرزوا سجل الأسرة وهما بينزلوا في أي فندق في السعودية، بعد ما عملوا نظام جديد للتأشيرة السياحية، وده معناه إن لو في كابل أجنبي ممكن ينزلوا في فنادق السعودية عادي من غير ما يثبتوا إنهم متجوزين، وبقى عادي للستات كمان بما فيهم السعوديات إنهم ينزلوا في فنادق لوحدهم من غير محرم.

وكمان الستات اللي بتزور السعودية مابقاش مفروض عليها تلبس العباية السودا، لكن المملكة أكدت على ضرورة إن اللبس يكون "محتشم".

وطبعا القرارات دي كلها كان ليها عامل كبير إن الناس تبدأ تغير نظرتها تجاه السفر للسعودية، فاستقبلت الأسبوع اللي فات على سبيل المثال سياح من 49 دولة، لكن معظمهم لحد دلوقتي من الأجانب اللي شغالين في السعودية وعائلاتهم والحجاج.