share this article

مصر زي ما بيقولوا بالبلدي بلد الحاجة وعكسها في نفس الوقت. من ناحية، حاشا لله لو الواحدة لبست بيكيني في مجتمع محافظ كده، ومن ناحية تانية جربتي تروحي شاطىء خاص أو في فندق بالبوركيني وتشوفي نظرات الناس؟ مفيش قانون ضد ايه اللي ممكن يتلبس في المياه –طالما مش لابسه حاجة قطن، وده لأسباب صحية- بس في فرق بين اللي مسموحلك تلبسيه واللي هتبقي مرتاحة وإنتِ لابساه. بعيدًا عن شواطى إسكندرية ومرسى مطروح، ممكن تلبسي بوركيني فين تاني من غير ما تحسي إن كل الناس مركزة معاكي؟

العين السخنة:
المصدر Ctrips

مهرب كتير من أهل القاهرة، السخنة على بعد ساعتين من القاهرة –أو أقل لو إنت من اللي بيتعافوا على دواسة البنزين- وفيها منتجعات جميلة على ساحل البحر الأحمر. ممكن تاخدي البوركيني وتروحي تعومي براحتك في Movenpick Resort و Palmera Beach Resort و Red Carpet Resort.

الغردقة:
المصردر fly 

الغردقة من أحلى الأماكن اللي ممكن تهربي ليها في البحر الأحمر وتستكشفي الغوص والعوم في الأعماق. ممكن تروحي Al Mashrabiya Hotel، و Bel Air Azur Resort، و Continental Resort، و Grand Plaza Hotel and Resort.

Makadi Bay:

المصدر Cluburlaub

وسط الأشجار والسماء الصافية وزرقان البحر هتلاقي Iberotel Makadi Beach، و Iberotel Makadi Club Oasis and Family Resort، و Jaz Makadi Golf Resort، و Sunrise Select Royal Makadi Resort، وتقدري تعومي براحتك بالبوركيني هناك.

الجونة:
المصدر Maxi zajezdy

آه الجونة مش أكتر مجتمع محافظ في الدنيا، بس في منتجعات كتير زي Panorama Bungalows Gouna، و Mövenpick Resort، و Steigenberger ALDAU Beach Hotel تقدري تروحيها وتستمتعي بحته من الجنة.

Soma Bay:

المصدر ATT Holydays 

ممكن تروحي Sheraton Soma Bay Resort وتستكشفي الشعاب المرجانية وتستمتعي بالألعاب زي الطيارات الورقية وتسترخي.

سهل حشيش:
المصدر booking

سهل حشيش فيها كتير من جمال الجونة والغردقة وممكن تروحي Hotel Old Palace Resort، و Premier Romance Boutique Hotel، و Tropitel Sahl Hasheesh، و Baron Palace عشان تبقي مرتاحة بالبوركيني.

شرم الشيخ:
المصدرIvona

دي مفضلة عند العائلات من زمان وفيها فنادق كتير ممكن تلبسي فيها البوركيني زي Cleopatra Luxury Resort، و Helnan Marina Sharm Hotel، و Hyatt Regency Sharm El Sheikh، و Iberotel Grand Sharm، و Queen Sharm Resort.

 

سيوة

 ٍالمصدر Siwa-tourism blogspt

سيوة واحة جوه مصر لكن طول الوقت اللي هتقضيه مناك هتحسي أنك بره الدنيا, عادي أنك تلبسي أي حاجة ومفيش حد هيكلمك. البسي البوركيني واتنزلي, الناس متعودة على السياحة والسياح بس هم أصلا مبيضيقوش حد.

 

الأقصر وأسوان:

المصدر reddit

من أكتر المدن اللي مشهورة بالآثار والحضارة والتاريخ, بس أنك تعومي في النيل دي تجربة مختلفة وأحلى من الرحلة العادية, ودي مدن سياحية فتقدري تلبسي البوركيني بتاعك عادي جدا جدا.

 

احنا جمعنا كل المعلومات دي من تجارب وخبرات ناس مختلفين، بس برضه بننصح تتصلي وتتأكدي قبل ما تسافري عشان ميبقاش في مفاجئات تبوظلك الأجازة.